Óscar Boán Callejas
| Biografía | |
|---|---|
| Nacemento | século XIX  |
| Morte | marzo de 1964 Vigo |
 Alcalde de Cangas de Morrazo | |
| 1936 – 1937 ← Agustín Jorge Etcheverri – Emilio Lorenzo Bastos → | |
| Actividade | |
| Ocupación | militar, político |
| Familia | |
| Irmáns | Ricardo Boán Callejas |
Óscar Boán Callejas, finado en Vigo en marzo de 1964, foi un militar e político galego.
Traxectoria
[editar | editar a fonte]Fillo do capitán de cabalería Ricardo Boán, natural de Guantánamo, e de María Dolores Callejas Becerra, da Habana. A familia tivo que trasladarse a Madrid en 1884 por mor da guerra de Independencia de Cuba. Fixo a carreira militar, e en 1908 era primeiro tenente do Rexemento de Cazadores de Galicia, 25º de Cabalería.[1] Comandante de Cabalería retirado, co golpe de Estado do 18 de xullo de 1936 foi nomeado alcalde de Cangas de Morrazo.[2] En maio de 1937 foi nomeado Delegado de Orde Pública da provincia de Pontevedra,[3] posto no que cesou en outubro de 1937.[4] Estivo na fronte algúns meses en 1938 e foi ascendido a coronel de Cabalería.
Logo da toma de Castelló de la Plana polos sublevados o 13 de xuño de 1938, participou na represión das comarcas de Castelló. Foi ascendido a tenente coronel en maio de 1939.[5] Presidente do Consello de Guerra en Sagunt, ordenou o fusilamiento de 27 veciños de Puçol, Sagunt e Puig o 5 de maio de 1939; presidiu o tribunal que condenou a tres veciñas de Catarroja, Carmen Martínez Fortea, Bárbara Morellá Ribes e Francisca Ballester Noguera fusiladas despois en Paterna; condenou a morte a Rosa Font "La Budella"; procesou ao escultor Manuel Silvestre Montesinos (Silvestre d’Edeta) e outras 27 persoas en Llíria; condenou a Juan e Miguel Pérez Gaviria e o concelleiro socialista Elias Murcia Martínez de Ayora. Retornou a Vigo en 1941 co rango de coronel, onde permaneceu en activo ata a súa xubilación en 1947. Finou en Vigo en marzo de 1964.[6]
Vida persoal
[editar | editar a fonte]Casou en Vigo con Rufina Lameiro Furio en 1907,[7] e foi pai de María del Carmen, Sara María e María Teresa Boán Lameiro. A súa muller Rufina Lameiro finou en 1960.[8]
Notas
[editar | editar a fonte]- ↑ Gaceta de Madrid, 1-6-1908, p. 1048.
- ↑ El Ideal Gallego, 25-7-1936, p. 4.
- ↑ El Diario de Pontevedra, 18-5-1937, p. 2.
- ↑ El Ideal Gallego, 13-10-1937, p. 3.
- ↑ BOE, 3-6-1939, p. 3041.
- ↑ El Pueblo Gallego, 10-3-1964, p. 2.
- ↑ El Correo Gallego, 13-4-1907, p. 1.
- ↑ El Pueblo Gallego, 15-4-1960, p. 6.
Véxase tamén
[editar | editar a fonte]Bibliografía
[editar | editar a fonte]- Santos Castroviejo, Iago; Nores Soliño, Antonio (2005). Historia de Cangas, 1900-1936. Unha ribeira de pescadores. Vigo: A Nosa Terra. ISBN 84-96403-74-2.
Ligazóns externas
[editar | editar a fonte]| Predecesor: Agustín Jorge Etcheverri |
 Alcalde de Cangas de Morrazo 1936 - 1937 |
Sucesor: Emilio Lorenzo Bastos |