Receptor sensorial

Catro tipos de neuronas sensoriais.

Os receptores sensoriais son terminacións nerviosas especializadas ou non, situadas nos órganos sensoriais (como a lingua, a pel, o nariz, os ollos, o oído, etc.). Son os encargados de captar estímulos, internos ou externos, para levar a información e obter unha resposta xa sexa interna ou externa, e capaces de xerar un impulso nervioso e sensacións.

O impulso é transportado ao sistema nervioso central e procesado en distintas áreas dentro do córtex cerebral, para proporcionar ao individuo información das condicións ambientais que o rodean e xerar unha resposta apropiada. É dicir, os receptores sensoriais son células nerviosas especializadas en transformar sinais físico-químicas en sinais eléctricas, convertendo a enerxía física nun potencial eléctrico mediante un proceso que se denomina transdución de sinais.

Tipos

Estas estruturas pódense clasificar en:

• Exteroreceptores.
• Propioceptores.

Exteroreceptores

Son aqueles receptores que se sitúan na pel para recoller información do medio ambiente que a rodea. Estes poden clasificiarse en diferentes tipos segundo as sensacións que recollen:

• Tacto: corpúsculos de Meissner (derme) e discos de Merkel (epiderme).
• Calor: corpúsculos de Ruffini.
• Frío: corpúsculos de Krause.
• Dor: terminacións libres.
• Vibración: corpúsculos de Paccini. Consultada o 30-03-2017.

Propioceptores

Son estruturas somáticas máis profundas. Encóntranse nos músculos, nas articulacións e nos ligamentos.

• Posición do corpo respecta ao espazo: fusos neuromusculares e receptores de Golgi.
• Dirección e forza dun movemento articular: fusos neuromusculares e corpúsculos de Paccini.
• Presión nos órganos discernindo se é ou non álxica: corpúsculos de Ruffini.

Véxase tamén

Outros artigos

• Mecanorreceptor
• Quimiorreceptor
• Sentido (bioloxía)