Ramón Rodríguez Vázquez
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 24 de agosto de 1998 (26 anos) Monforte de Lemos, España  | ||||||||||||||||||||||||||||||||||
| País de nacionalidade | Galicia | ||||||||||||||||||||||||||||||||||
| Altura | 1,87 m | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Período de actividade | 2016 - | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Porteiro | ||||||||||||||||||||||||||||||||||
| |||||||||||||||||||||||||||||||||||
Ramón Rodríguez Vázquez, nado en Monforte de Lemos o 24 de agosto de 1998, é un futbolista galego. Xoga na demarcación de porteiro e o seu equipo actual é o Atlético Arteixo.
Formado nas categorías inferiores do Deportivo da Coruña, desenvolveu toda a súa carreira deportiva entre a Terceira División e a Preferente.[1][2] En 2023 proclamouse campión da Copa das Rexións da UEFA coa selección galega.[3]
Traxectoria
[editar | editar a fonte]Natural de Neiras, no concello de Sober, entrou con oito anos no CP Calasancio de Monforte, onde xogou ata 2014 nas súas categorías inferiores.
En abril de 2014 disputou a Oviedo Cup, un torneo de fútbol cadete, co Deportivo da Coruña.[4] Na tempada 2014/15 fichou polo equipo da Coruña e xogou no Xuvenil B,[5] no que comparte titularidade con Javier Tasende.
Na tempada 2015/16 pasou a xogar co Xuvenil A na División de Honra. O 31 de xaneiro de 2016 debutou co Fabril en Terceira división, no partido contra o Alondras CF disputado en Cangas.[6] Nesa tempada, tamén foi convocado por Víctor Sánchez del Amo para o partido do primeiro equipo contra o Sevilla FC no Estadio Ramón Sánchez Pizjuán, xogado o 17 de abril de 2016.[1][2]
Na tempada 2016/17 xogou novamente no Xuvenil A, aínda que tamén disputou dous partidos co Fabril. Os últimos oito partidos da tempada xogou cedido no xuvenil do Santiago de Compostela CF.[7]
En xuño de 2017 chegou ao UD Somozas da Terceira división, equipo no que xogou cedido polo Deportivo ata xaneiro.[7] De xaneiro a xuño de 2018 xogou cedido no Atlético Arteixo, de Preferente. Na tempada 2018/19 fichou polo Atlético Montañeros, tamén na Preferente, no que destacou por manter a portería a cero varias xornadas consecutivas.[8]
Na tempada 2019/20 fichou polo Club Lemos, equipo que volveu esa tempada a Preferente.[2]
En xuño de 2020 fichou pola SD Fisterra,[9] acabado de ascender a Terceira División. Despois de xogar 6 dos primeiros 11 partidos e non ter continuidade como titular, en xaneiro de 2021 fichou pola SD Dubra, equipo de Preferente.[10]
En xullo de 2021 ficha pola UD Ourense, equipo descendido a tempada anterior a Preferente.[11] Na súa primeira tempada no equipo consegue volver a Terceira Federación. Na tempada 2022/23 clasifícase para o playoff de ascenso a Segunda Federación.
En xuño de 2023 anúnciase o seu retorno ao Atlético Arteixo, equipo da Terceira Federación.[12]
Selección galega
[editar | editar a fonte]Ramón foi convocado coa selección galega en xuvenís de segundo ano e en alevíns de segundo ano.
Copa das Rexións da UEFA
[editar | editar a fonte]En outubro de 2022 foi convocado para os tres partidos que Galicia disputou da fase intermedia da Copa das Rexións da UEFA.[13] Foi titular nos tres, encaixando un único tanto e conseguindo o combinado galego a clasificación para a fase final do torneo.
Na fase final disputada en Galicia en xuño de 2023, Ramón foi titular nos tres encontros do Grupo A no que quedou encadrada a selección galega e que finalizaron con tres vitorias fronte a Irlanda, Zenica-Doboj e Baviera. Tamén foi titular na gran final disputada na Lomba contra Belgrado, na que Galicia se proclamou campioa do torneo.[3]
Equipos
[editar | editar a fonte]| Ano | Club | División | PX[14] | GE[14] | TA | TV |
|---|---|---|---|---|---|---|
| 2014-2015 |  Deportivo Xuvenil B
|
Liga Nacional | 16 | 17 | 1 | 0 |
| 2015-2016 | Deportivo Xuvenil A
|
División de honra | 11 | 17 | 1 | 0 |
| Deportivo Fabril
|
3ª División | 1 | 3 | 1 | 0 | |
| 2016-2017 | Deportivo Xuvenil A
|
División de honra | 3 | 6 | 0 | 0 |
| Deportivo Fabril
|
3ª División | 2 | 2 | 0 | 0 | |
| Santiago CF Xuvenil
|
División de honra | 8 | 14 | ? | ? | |
| 2017-2018 | UD Somozas
|
3ª División | 3 | 7 | 0 | 0 |
| Atlético Arteixo
|
Preferente | 10 | 18 | 0 | 0 | |
| 2018-2019 | Atlético Coruña Montañeros
|
Preferente | 22 | 26 | 0 | 0 |
| 2019-2020 | Club Lemos
|
Preferente | 17 | 32 | 2 | 1 |
| 2020-2021 | SD Fisterra
|
3ª División | 6 | 12 | 0 | 0 |
| SD Dubra
|
Preferente | 12 | 18 | 0 | 0 | |
| 2021-2022 | UD Ourense
|
Preferente | 25 | 15 | 2 | 0 |
| 2022-2023 | 3ª Federación | 21 | 23 | 4 | 1 |
PX: Partidos xogados. GE: Goles encaixados. TA: Tarxetas amarelas. TV: Tarxetas vermellas.
Palmarés
[editar | editar a fonte]- Copa das Rexións da UEFA (1): 2023.
Notas
[editar | editar a fonte]- ↑ 1,0 1,1 "El meta juvenil Ramón, novedad entre los 19 convocados". RC Deportivo. 16 de abril de 2016. Consultado o 4 de febreiro de 2020.
- ↑ 2,0 2,1 2,2 "Nuevo portero para el Club Lemos". La Voz de Galicia. 9 de xuño de 2019. Consultado o 1 de outubro de 2019.
- ↑ 3,0 3,1 "O campión de Europa é de Sober". La Voz de Galicia. 20 de xuño de 2022. Consultado o 20 de xuño de 2023.
- ↑ "Ramón, con el Deportivo". La Voz de Galicia. 2 de abril de 2014. Consultado o 1 de outubro de 2019.
- ↑ "El portero soberino, Ramón Rodríguez, renovó con el Deportivo". La Voz de Galicia. 10 de xuño de 2015. Consultado o 1 de outubro de 2019.
- ↑ "El Fabril cae en Cangas tras ir a remolque todo el encuentro". La Voz de Galicia. 1 de febreiro de 2016. Consultado o 1 de outubro de 2019.
- ↑ 7,0 7,1 "Ramón Rodríguez ficha por el Somozas". La Voz de Galicia. 29 de xuño de 2017. Consultado o 1 de outubro de 2019.
- ↑ "Los guardianes morados". DXT. 3 de maio de 2019. Consultado o 1 de outubro de 2019.
- ↑ "El Fisterra ficha a un portero y el Soneira renueva al entrenador". La Voz de Galicia. 18 de xuño de 2020. Consultado o 20 de xuño de 2020.
- ↑ "Ramón Rodríguez abandona el Fisterra y se incorpora al Dubra". La Voz de Galicia. 8 de xaneiro de 2021. Consultado o 9 de xaneiro de 2021.
- ↑ "La UD Ourense trabaja en sus altas". La Voz de Galicia. 30 de xullo de 2021. Consultado o 30 de xullo de 2021.
- ↑ "El Atlético Arteixo ficha al portero Ramón procedente del Ourense". DxT Campeón. 29 de xuño de 2023. Consultado o 30 de xuño de 2023.
- ↑ "Los 18 elegidos por Iván Cancela para disputar la Copa Regiones UEFA con Galicia". DxT Campeón. 30 de setembro de 2022. Consultado o 15 de outubro de 2022.
- ↑ 14,0 14,1 "Ramón Rodríguez Vázquez". lapreferente.com.
