Río Panches

Río Panches.

O río Panches é un dos ríos do departamento de Cundinamarca, no centro de Colombia. É o principal eixo fluvial da subconca río Panches. Non é navegable. Desemboca no río Sumapaz, que á súa vez desemboca no Magdalena.

Ten unha lonxitude aproximada de 53.5 km. Nace sobre os 3610 metros e desemboca no río Sumapaz sobre os 445 metros nos concellos de Tibacuy e Fusagasugá.

Características

O río Panches ten unha lonxitude aproximada de 53,5 km. Nace sobre os 3610 m s. n. m. e desemboca no río Sumapaz sobre os 445 m s. n. m. nos concellos de Tibacuy e Fusagasugá. Está conformado polos ríos Barro Blanco e Subia. O río Barro Blanco nace no concello de Pasca co nome de crebada Honda. O río Panches posúe altas pendentes ao longo do seu percorrido, en especial entre os 2800 e 2100 metros, no treito en que o río Barro Blanco se forma pola unión das crebadas Honda, El Chuscal e La Laguna.

Caudal

O río Panches presenta un caudal medio de 10.53 m³/seg, e ten dous períodos de augas altas, intercalados por dous de augas baixas. O primeiro período húmido de marzo a maio e o segundo de outubro a novembro. En outubro e novembro alcanza caudais máximos, con valores superiores aos 16,8 m³/s. As épocas de verán preséntanse durante os meses de xaneiro a febreiro e de xuño a mediados de setembro, os valores mínimos de caudais preséntanse durante o mes de agosto, no segundo período seco, con valores de 4,49 m³/s.

Subconca río Panches

A subconca río Panches abrangue os concellos de Fusagasugá, Silvania, Pasca, Granada e Tibacuy. Limita ao norte coa subconca do río Bogotá, ao sur coa subconca río Cuja, ao leste con Sibaté e ao oeste con Nilo e Viotá. Posúe unha gran desprotección nas marxes dos ríos e os seus afluentes o que orixinou a súa deterioración gradual.

Véxase tamén

Outros artigos

• Fusagasugá

Bibliografía

• CAR (2014). CPA Ingeniería, ed. "Diagnóstico Subcuenca Río Panches". POMCA Río Sumapaz. Capítulo 1 a 7 (1).