Cuadrivio

Na Galipedia, a Wikipedia en galego.
(Redirixido desde "Quadrivium")

O cuadrivio[1] (quadrivium) comprendía as catro materias ensinadas nas universidades medievais despois do trivio. En latín quadrivium significa 'as catro vías', 'os catro camiños'. O cuadrivio supoñía completar o estudo das denominadas artes liberais.

Texto de cabeceira[editar | editar a fonte]

Nas teorías educativas da Idade Media, o cuadrivio consistía en aritmética, xeometría, música e astronomía. Estas materias continuaban o traballo preparatorio do trivio, consistente en gramática, lóxica (chamada tamén elocuencia) e retórica. Pola súa parte, o cuadrivio era considerado como a preparación para o estudo da filosofía e teoloxía.

O cuadrivio podería ser considerado o estudo do número: a aritmética era o puro número; a xeometría era o número no espazo, a música, o número no tempo, e a astronomía, o número no espazo e no tempo.

Andreas Capellanus (século XII) é unha das fontes que fornece maior información sobre o trivio e cuadrivio no período medieval.

Notas[editar | editar a fonte]

  1. "Cuadrivio". Real Academia Galega. Consultado o 24 de outubro de 2016.