Premio de Igualdade Ernestina Otero

Engadir ligazóns
Na Galipedia, a Wikipedia en galego.
Premio 2023. Paz Filgueira (de pé) con mulleres premiadas en anteriores edicións: (de esquerda a dereita) Coral del Río, África González, Chis Oliveira, Mª Xosé Porteiro.

O Premio de Igualdade Ernestina Otero é un galardón honorífico, promovido polo Consello Municipal da Muller e Concellería de Igualdade do Concello de Vigo, que premia a traxectoria dunha muller ou colectivo en defensa da igualdade. Toma o nome da mestra e pedagoga Ernestina Otero e ten carácter anual. A primeira edición do premio celebrouse en 2013 coincidindo coa celebración dos actos con motivo do Día Internacional da Muller que organizan a Concellería de Igualdade do Concello de Vigo e Consello Municipal da Muller. O galardón tamén é obra dunha muller, a artista Cuqui Piñeiro. Trátase dunha escultura en bronce que representa unha muller montando en bicicleta.[1]

Galardoadas[editar | editar a fonte]

As seguintes mulleres foron galardoadas con este premio:

  • I Premio 2013. Carmen Segurana, sindicalista que participou na organización do Movemento Democrático de Mulleres.[2]
  • II Premio 2014. Isabel Blanco, xinecóloga comprometida coa defensa dos dereitos e da saúde das mulleres.[3]
  • III Premio 2015. Antía Cal, pedagoga recoñecida polo seu traballo e esforzo no ámbito da enseñanza.[4]
  • IV Premio 2016. Coral del Río, catedrática e primeira directora da Unidade de Igualdade da Universidade de Vigo, polo seu compromiso nos estudos de xénero.[5]
  • V Premio 2017. Rosa Cobo, profesora de Socioloxía, pola súa traxectoria en favor da igualdade de xénero.[6]
  • VI Premio 2018. Ana Gandón, ex-concelleira do Concello de Vigo, polo seu labor realizado en defensa dos dereitos das mulleres.[7]
  • VII Premio 2019. María Xosé Queizán, unha das intelectuais feministas máis relevantes de Galicia, pola súa ampla traxectoria.[8]
  • VIII Premio 2020. María Xosé Porteiro, xornalista, escritora, feminista e política, pola súa defensa dos dereitos da muller.[9]
  • IX Premio 2021. Mercedes Oliveira, doutora en Filosofía e Pedagoxía e unha das activistas máis destacadas no ámbito da igualdade, cunha intensa labor nas aulas.[10]
  • X Premio 2022. África González Fernández, catedrática de Inmunoloxía da Universidade de Vigo, académica da Real Academia de Farmacia de Galicia e presidenta da Sociedade Española de Inmunoloxía, en recoñecemento pola súa traxectoria como investigadora e na vixilancia da saúde.[11]
  • XI Premio 2023. Paz Filgueira Paz, maxistrada titular do Xulgado de Violencia sobre a Muller de Vigo desde xaneiro do 2012 ata novembro do 2020[12], poñendo en valor a perspectiva de xénero que aporta ao seu traballo.[13]

Galería de imaxes[editar | editar a fonte]

  • Premio 2019 a María Xosé Queizán
    Premio 2019 a María Xosé Queizán
  • Premio 2022 a Africa González
    Premio 2022 a Africa González
  • Premio 2023 a Paz Filgueira
    Premio 2023 a Paz Filgueira

Notas[editar | editar a fonte]

  1. ↑ Santos, Ágatha de. "La sindicalista Carmen Segurana, premio Ernestina Otero por su lucha por la igualdad". Faro de Vigo (en castelán). Consultado o 6/3/2013. 
  2. ↑ "Carmen Segurana recibe el primer premio por la igualdad del Consello vigués". Faro de Vigo (en castelán). Consultado o 2019-03-15. 
  3. ↑ "Xornal Vigo: A xinecóloga Isabel Blanco recibirá mañá sábado o II Premio de igualdade Ernestina Otero". Consultado o 2019-03-15. 
  4. ↑ "Antía Cal recoge el Premio Ernestina Otero por su trabajo por la igualdad". Faro de Vigo (en castelán). Consultado o 2019-03-15. 
  5. ↑ "Coral del Río recibe el Premio Ernestina Otero". Faro de Vigo (en castelán). Consultado o 2019-03-15. 
  6. ↑ "El Consello Municipal da Muller otorga el premio Ernestina Otero a la profesora Rosa Cobo". Faro de Vigo (en castelán). Consultado o 2019-03-15. 
  7. ↑ "La exedil Ana Gandón, distinguida con el Premio Ernestina Otero". Atlántico Diario (en castelán). Consultado o 2019-03-15. 
  8. ↑ "María Xosé Queizán recibe el séptimo Premio de Igualdade Ernestina Otero". Faro de Vigo (en castelán). Consultado o 2019-03-15. 
  9. ↑ "Concédeo o Consello Municipal da Muller de Vigo". culturagalega.org (en castelán). 2020-03-03. Consultado o 2020-03-09. 
  10. ↑ "Chis Oliveira, recoñecida co Premio de Igualdade Ernestina Otero 2021". Atlántico (en castelán). Consultado o 2021-04-29. 
  11. ↑ "La inmunóloga de la Universidad de Vigo África González, premio de Igualdad Ernestina Otero 2022". La Voz de Galicia (en castelán). 2022-03-01. Consultado o 2022-03-02. 
  12. ↑ "Mª PAZ FILGUEIRA PAZ - Concello de Lalín - lalin.gal". www.lalin.gal. Consultado o 2023-03-14. 
  13. ↑ "Paz Filgueira recogió el premio a la igualdad Ernestina Otero". Atlántico (en castelán). Consultado o 2023-03-13. 
Traído desde «https://gl.wikipedia.org/w/index.php?title=Premio_de_Igualdade_Ernestina_Otero&oldid=6691905»