Piti Sanz
 Piti Sanz con The Ellas (2007)  | |
| Biografía | |
|---|---|
| Nacemento | 1966 Huelva, España |
| Morte | 23 de maio de 2025 (58/59 anos) |
| Actividade | |
| Ocupación | músico, actor de televisión, compositor, actor de cinema |
| Membro de | |
  | |
Vicente Luís Sanz Muñoz, coñecido como Piti Sanz, nado en Huelva en 1966[1] e finado o 23 de maio de 2025,[2] foi un músico e compositor galego con numerosos traballos dentro do audiovisual galego e español así como no mundo do teatro.
Traxectoria
[editar | editar a fonte]É o autor da banda sonora de filmes como Mataharis ou series como Terra de Miranda. Traballou con directores como Alfonso Zarauza ou Jorge Coira. Foi cofundador dos grupos Sindicato Agrario e Los Contentos e tocou en discos de Siniestro Total e Los Enemigos. No 2013 incorporouse á formación do grupo musical Os Resentidos.[3]
En 2007 foi candidato ós premios Goya na categoría de Mellor Canción Orixinal polo tema "Esa luz". Foi composto conxuntamente con Luís Tosar, con quen mantivo o grupo musical Di Elas. A Academia retirou posteriormente este nomeamento.[4][5] Acadou tres premio María Casares á mellor música orixinal por Finis Mundi Circus en 1999, Ñiki Ñaque en 2001 e mais Policía en 2002. Ten un cuarto por Se o vello simbad volvese as illas, aínda que o seu nome non aparece na listaxe oficial. Gañou catro Premios Mestre Mateo, polas películas Entre bateas, A noite que deixou de chover e 18 comidas e pola serie O Nordés.
Galardóns e nomeamentos
[editar | editar a fonte]| Ano | Categoría | Título | Resultado |
|---|---|---|---|
| 2002 | Mellor banda sonora | Entre bateas | Gañador |
| Mellor banda sonora | Terra de Miranda | Nomeado | |
| 2008 | Mellor música orixinal | A noite que deixou de chover | Gañador |
| 2009 | Mellor música orixinal | O Nordés | Gañador |
| 2010 | Mellor música orixinal | 18 comidas | Gañador |
| 2012 | Mellor música orixinal | Era visto! | Nomeado |
| 2013 | Mellor videoclip | "Canto de Sirena" | Gañador |
| Mello música orixinal | Era visto! | Nomeado | |
| 2014 | Mellor música orixinal | Os fenómenos | Nomeado |
Notas
[editar | editar a fonte]- ↑ "Ficha an Axencia Audiovisual Galega". Arquivado dende o orixinal o 07 de xullo de 2012. Consultado o 06 de setembro de 2018.
- ↑ "Muere el músico y compositor gallego Piti Sanz a los 58 años". Faro de Vigo. 23 de maio de 2025.
- ↑ "El músico lucense Piti Sanz ficha como guitarrista de Os Resentidos". El Progreso (en castelán). 5 de setembro de 2013. Consultado o 28 de xullo de 2016.
- ↑ Luis Tosar, Piti Sanz e García de Leániz, 'desnominados' dos Goya Arquivado 19 de abril de 2008 en Wayback Machine., nova en Galiciaé o 19 de decembro de 2007.
- ↑ "Non tiñamos as enerxías para denunciar á Academia dos Goya". La Opinión (en castelán). 21 de decembro de 2008.
