Di Elas
| Di Elas | |
|---|---|
 A banda The Ellas en concerto en Vigo, en 2007 | |
| Orixe | Lugo,  Galiza |
| Período | 2007 - actualidade |
| Xénero(s) | rock |
| Selo(s) discográfico(s) | Warner |
| Membros | Luís Tosar, Piti Sanz, Iván Laxe, Suso Alonso e Ro Muñoz |
| Na rede | |
| diellas | |
  | |
Di Elas (o grupo chamábase anteriormente The Ellas) é un grupo musical de rock galego formado por Luís Tosar (voz), Piti Sanz (guitarra), Iván Laxe (baixo), Suso Alonso (teclados), Ro Muñoz (batería) e Fernando Campos (controis).
Historia[editar | editar a fonte]
Os inicios do grupo están en 1993 en Lugo. Los Contentos era o grupo de referencia na cidade. Luís Tosar ía cos seus amigos aos concertos. Alí xúntase con máis músicos para tocar, o curmán de Piti e co guitarrista Rafa Muñoz. Forman o grupo Los Huana. Piti tocaría con eles despois da disolución de Los Contentos. Luís Tosar e Sanz marchan a Santiago e a banda sepárase. Vólvense xuntar en Magical Brothers, un grupo de teatro e cabaret con estética de rock and roll.
Di Elas é o terceiro grupo que forman. Luís Tosar e Piti xúntanse con Iván Laxe (baixo) de Skornabois, Suso Alonso (teclados) de Psicofónica de Conxo e Ro Muñoz (batería) de Groovefathers, todos eles do mundo audiovisial galego. O grupo empeza a actuar en 2008 como The Ellas interpretando versións en directo de cancións de grupos liderados por mulleres aínda que xa en 2007 o grupo facía pequenas actuacións.
The Ellas pasa a chamarse Di Elas e co tempo pasan a compoñer e interpretar os seus propios temas con estilos de Los Deltonos, M-Clan e Los Enemigos. O seu primeiro disco saíu en 2011 e leva o nome do grupo.[1] O álbum está gravado nun estudio da Estrada con primeiras tomas. Na portada do disco aparece a sobriña de Piti, a afillada de Tosar e a filla de Iván Laxe xunto con outras nenas.
Discografía[editar | editar a fonte]
O grupo comezou facendo versións de temas cantados por mulleres,[2] como de Suzanne Vega ("My name is Luca", en galego), 4 non blondes ("What's up"), ABBA, Alanis Morissette, The Bangles ("Walk like an egyptian"), Blondie ("Hanging on the telephone"), Alaska ("¿Cómo pudiste hacerme esto a mí?"), Garbage, No Doubt ("Just a girl"), Breeders, Cyndi Lauper, Sugar Babes ("Destination") ou Ronnie Spector.
| Di Elas (Warner, 2011)[3] |
|---|
| 1 "Volver" 2 "Échate a un lado" 3 "Gerundio" 4 "Las cosas que dejé atrás" 5 "Café" 6 "Olvidarte" 7 "La fiesta" 8 "Contra ti" 9 "Doc" 10 "Ruleta" 11 "Amigo" 12 "We are Irish" (bonus track) |
Notas[editar | editar a fonte]
- ↑ "Di Elas. Power rock de la mano de Luis Tosar y Piti Sanz", biografía do grupoen La Fonoteca; artigo deFernando Fernández Rego (en castelán).
- ↑ "Luis Tosar faille homenaxe musical ás mulleres", Vieiros, 8 de marzo de 2007.
- ↑ Ficha de Di Elas en La Fonoteca (en castelán).
