Peter Cushing

Peter Cushing
	;
Biografía
Nacemento	(en) Peter Wilton Cushing ; 26 de maio de 1913 ; Kenley, Reino Unido (en)
Morte	11 de agosto de 1994 (81 anos); Canterbury, Reino Unido
Causa da morte	cancro de próstata
Residencia	Dulwich (en) ; Kenley (en) ; Hollywood ; Purley (en) ; Whitstable (en)
Educación	Guildhall School of Music and Drama ; Shoreham College (en) ; Purley High School for Boys (en)
Actividade
Ocupación	actor, actor de teatro, actor de cinema, actor de xénero, explorador, pintor, actor de televisión
Período de actividade	1935 - 1987
Premios
	(1983) Sitges Film Festival Best Actor award (en) , premiado polo traballo House of the Long Shadows (pt) ; (1976) Sitges Film Festival Best Actor award (en) , premiado polo traballo The ghoul (pt) ; (1956) BAFTA de Melhor Ator em Televisão (pt) ; Oficial da Orde do Imperio Británico; BAFTA de Melhor Ator em Televisão (pt) ;
Descrito pola fonte	Obálky knih,

Peter Wilton Cushing, nado en Kenley, Surrey, Inglaterra o 26 de maio de 1913^[1] e finado en Whitstable, Kent, Inglaterra o 11 de agosto de 1994, foi un actor británico recoñecido polas súas interpretacións nas películas de terror da compañía cinematográfica Hammer e por interpretar o Gran Moff Tarkin en A guerra das galaxias (1977). Estendeuse a súa carreira cinematográfica seis décadas, onde apareceu en máis dun cento de películas ademais de moitos outros papeis en teatro, televisión e radio.

Traxectoria

Peter Cushing debutou no teatro en 1935 e permaneceu no escenario durante tres anos antes de mudarse a Hollywood para dedicarse ó cine.^[2] Tralo seu debut cinematográfico en The Man in the Iron Mask (1939) Cushing comezou a ter un moderado éxito, participando noutros filmes estadounidenses antes de regresar a Inglaterra coincidindo co inicio da segunda guerra mundial. Malia interpretar varios papeis, incluíndo a interpretación de Osric na película dirixida por Laurence Olivier Hamlet (1948), Cushing tivo moitas dificultades para encontrar traballo durante este período e empezou a considerarse a si mesmo como un actor fracasado. Emporiso cando comezou a interpretar obras en directo para a televisión axiña se converteu nun dos actores máis destacados da televisión británica. Pola súa interpretación de Winston Smith en Nineteen Eighty-Four (1954), adaptación da novela homónima de George Orwell á televisión, obtivo un especial recoñecemento.

Peter Cushing ganou fama mundial polas súas aparicións en vinte e dúas películas de terror da produtora independente Hammer, especialmente polo papel do barón Victor Frankenstein en seis das sete películas sobre Frankenstein e como o doutor Van Helsing en cinco películas de Drácula. Cushing interpretou a miúdo xunto ó actor Christopher Lee, que se converteu nun dos seus amigos máis próximos, e en ocasións interpretou tamén coa estrela de terror estadounidense Vincent Price.

Outras películas da Hammer nas que participou son The Abominable Snowman (1957), The Mummy (1959) e The Hound of the Baskervilles (1959), onde interpretou o detective Sherlock Holmes como en moitas outras ocasións ó longo da súa carreira. Peter Cushing continuou desempeñando diversos roles, non obstante, a miúdo foi considerado como o estereotipado actor de cine de terror. Interpretou o Doutor en Dr. Who and the Daleks (1965) e en Daleks' Invasion Earth 2150 A.D. (1966). A súa interpretación do Grand Moff Tarkin en A guerra das galaxias (1977) proporcionoulle unha gran repercusión á súa carreira. Cushing continuou actuando durante os últimos anos da súa vida e escribiu dúas autobiografías. Casou en 1943 con Helen Beck e permaneceron xuntos ata a súa morte en 1971. Peter Cushing morreu en 1994 a causa dun cancro de próstata.

Notas

↑ "Peter Cushing Biography (1913-)". Filmreference. Arquivado dende o orixinal o 22-07-2012. Consultado o 22-01-2019.
↑ Cushing, pp. 45—49

Véxase tamén

Ligazóns externas

Páxina web sobre o actor

[1] "Peter Cushing Biography (1913-)". Filmreference. Arquivado dende o orixinal o 22-07-2012. Consultado o 22-01-2019.

[Cush45-2] Cushing, pp. 45—49

[1]

[2]