Pedro Vázquez de Neira
| Biografía | |
|---|---|
| Nacemento | s. XVI Lugo  |
| Morte | século XVII |
| Actividade | |
| Ocupación | médico , poeta |
Pedro Vazquez de Neira y Santiso, nado na segunda metade do século XVI en Lugo, foi un poeta galego. Era fillo de Pedro Santiso (Señor de casa de Covas) e Inés Díaz de Neira. Casou con Catalina de Aguiar y Baamonde. Licenciado en Medicina ao servizo da Real Audiencia da Coruña, pouco se sabe da súa vida. Habida conta de que a meirande parte dos autores da época eran relixiosos, o feito de que escribise en galego convérteo nun dos poucos homes de ciencia que escribiu na nosa lingua nos Séculos Escuros.
Traxectoria[editar | editar a fonte]
O soneto Respice Finem (1612) de Pedro Vázquez de Neira, é o primeiro texto impreso en galego, ademais de Unha illa no medio do océano. En 1612 publícase o cancioneiro Exequias da Raíña Margarida, o cal recolle unha serie de composicións elexíacas que supoñen un lamento pola morte desta raíña. A publicación deste cancioneiro correu ó cargo da Real Audiencia del Reyno de Galiçia. O libro foi composto polo impresor Juan Pacheco, e foi o seu coordinador un dos poetas que colaboraron nel en lingua galega, Juan Gómez Tonel. O outro poeta foi Pedro Vázquez de Neira.[2][3]
Galería de imaxes[editar | editar a fonte]
-
Soneto en español de Pedro Vázquez de Neira (Exequias da Raíña Margarida). -
Soneto en latín de Pedro Vázquez de Neira (Exequias da Raíña Margarida).
Notas[editar | editar a fonte]
- ↑ Gómez Tonel, Juan (1612). Relación de las Exequias que hico (sic) la real Audiencia del Reyno de Galiçia a la Magestad de la Reyna D. Margarita de Austria nra Señora. En Sanctiago: por Ioa Pacheco.
- ↑ Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. p. 596. ISBN 84-8288-019-5.
- ↑ Carballo Calero, Ricardo (1988). A nosa literatura: Unha interpretación para hoxe. Xistral. p. [cómpre nº de páxina].
Véxase tamén[editar | editar a fonte]
 |
Wikimedia Commons ten máis contidos multimedia na categoría: Pedro Vázquez de Neira |
Bibliografía[editar | editar a fonte]
- Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. pp. 474–475.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 745. ISBN 84-7492-465-0.
- Gómez, Anxo; Queixas, Mercedes (2001). Historia xeral da literatura galega. Edicións A Nosa Terra. p. 83. ISBN 84-95350-79-3. Arquivado dende o orixinal o 02/07/2017. Consultado o 13/04/2019.
