Os Pobos Deciden
| Os Pobos Deciden | |
|---|---|
.svg&lang=gl) | |
| Tipo | partido político |
| Data de fundación | 2014 |
| País | España |
| [ editar datos en Wikidata ] | |
Os Pobos Deciden (en español e asturiano Los Pueblos Deciden, en vasco Herriek Erabaki, en aragonés Os Pueblos Deciden), é unha coalición política española formada para as eleccións ao Parlamento Europeo de 2014 e integrada por Euskal Herria Bildu (EH Bildu), o Bloque Nacionalista Galego (BNG),[1][2] e outras formacións minoritarias de esquerda nacionalista, como a aragonesa Puyalón de Cuchas,[3] a asturiana Andecha Astur,[4] ou as formacións canarias Alternativa Nacionalista Canaria (ANC) e Unidad del Pueblo (UP).[5] Tamén recibiu o apoio de Euskal Herria Bai (EH Bai), formación do País Vasco francés que decidiu non presentarse a estas eleccións,[6] así como de Gorripidea, formación proveniente de Zutik.[7]
A coalición está formada por organizacións de esquerda independentista e nacionalista do País Vasco, Navarra, Galicia, Aragón, Asturias e as Canarias co obxectivo común de acadar a autodeterminación dentro de España. O cabeza de lista foi Josu Juaristi de EH Bildu,[8] seguido de Ana Miranda Paz como representante do BNG.[9] Asemade, o escritor Suso de Toro figuraba no posto doce da lista como independente, dentro da cota do BNG. No caso de obter un único escano, EH Bildu e BNG acordaron repartirse a lexislatura en función dos votos achegados á candidatura.[10]
Tamén se barallou a presenza nesta coalición da Esquerra Republicana de Catalunya (ERC), que decidiu presentar a súa propia candidatura xunto con dous partidos minoritarios cataláns,[11][12] e da Candidatura d'Unitat Popular (CUP) e Nós-Unidade Popular,[13] que finalmente rexeitaron presentarse a devandita cita electoral.[14][15]
Resultados
[editar | editar a fonte]
Os Pobos Deciden obtivo 326 464 votos (2,08 %)[16] o que lle garantiu obter un eurodeputado. Os mellores resultados obtívoos no País Vasco e Navarra (comunidades onde foi a segunda forza máis votada), así como en Galicia (onde foi a quinta). En función dos acordos adoptados polos partidos integrantes, o candidato de EH Bildu Josu Juaristi mantivo o escano os primeiros tres anos e medio no Parlamento e a candidata do BNG Ana Miranda Paz o restante ano e medio.[17]
| Territorio | Votos | % | Posición |
|---|---|---|---|
 Andalucía
|
2 184 | 0,08 % | < 10º |
 Aragón
|
1 241 | 0,27 % | < 10º |
 Asturias
|
1 392 | 0,37 % | < 10º |
 Canarias
|
3 424 | 0,60 % | < 10º |
 Cantabria
|
471 | 0,22 % | < 10º |
 Castela-A Mancha
|
529 | 0,07 % | < 10º |
 Castela e León
|
1 358 | 0,14 % | < 10º |
 Cataluña
|
7 248 | 0,29 % | < 10º |
 Ceuta
|
20 | 0,13 % | < 10º |
.svg){kind=small} Comunidade Valenciana
|
2 081 | 0,12 % | < 10º |
.svg){kind=small} Estremadura
|
229 | 0,06 % | < 10º |
 Galicia
|
80 394 | 7,88 % | 5º |
 Illas Baleares
|
924 | 0,34 % | < 10º |
.svg){kind=small} A Rioxa
|
212 | 0,18 % | < 10º |
 Madrid
|
2 570 | 0,12 % | < 10º |
 Melilla
|
9 | 0,06 % | < 10º |
 Murcia
|
355 | 0,08 % | < 10º |
 Navarra
|
44 129 | 20,21 % | 2º |
 País Vasco
|
177 694 | 23,36 % | 2º |
| España | 326 464 | 2,08 % | 9º |
Notas
[editar | editar a fonte]- ↑ A posición da UPG de ir con EH-Bildu arrasa no BNG, Galicia Confidencial, 27 de febreiro de 2014.
- ↑ "BNG y EH Bildu concurrirán juntos a las elecciones europeas". Naiz. 13 de marzo de 2014.
- ↑ Comunicado de "Los Pueblos Deciden", web de Puyalón, 16 de marzo de 2014.
- ↑ La militancia de Andecha Astur decide participar en las europeas en la coalición liderada por EH Bildu, asturies.com, 17 de febreiro de 2014. (en asturiano)
- ↑ ANC y UP participarán en la candidatura "Los Pueblos Deciden" para el Parlamento Europeo Arquivado 21 de xuño de 2015 en Wayback Machine., El Periódico de Canarias, 16 de marzo de 2014.
- ↑ Dejeans, Arnaud. «Il n’y aura pas de liste EH Bai aux Européennes» (en francés). Sud Ouest. 6 de maio de 2014.
- ↑ "¡No a la Troika! ¡Por una Europa ecosocialista, al servicio de las clases trabajadoras y los pueblos!". gorripidea.blogspot. 7 de maio de 2014. Arquivado dende o orixinal o 08 de maio de 2014. Consultado o 13 de decembro de 2018.
- ↑ Sainz, Jorge. «Josu Juaristi, candidato de EH Bildu para las elecciones europeas». Diario Vasco. 31 de xaneiro de 2014.
- ↑ «El BNG presenta su candidatura para las europeas, La Voz de Galicia, 22 de marzo de 2014.
- ↑ Sampedro, D. (29 de abril de 2014). "El BNG se repartirá el escaño europeo con Bildu en función de los votos que obtenga". El Correo Gallego.
- ↑ «ERC descarta ir con Bildu a las elecciones europeas». La Vanguardia. 30 de xaneiro de 2014.
- ↑ Noguer, Miquel. «ERC ficha a Ernest Maragall como número dos para las europeas, El País, 4 de marzo de 2014.
- ↑ «La CUP no decidirá hasta el 9 de marzo si concurre a las elecciones europeas». Europa Press. 18 de febreiro 2014.
- ↑ «Nom foi possível articular a candidatura que a Galiza precisa: Nós-Unidade Popular descarta participar nas Eleiçons europeias» (en galego). nosgaliza.org. 13 de marzo de 2014.
- ↑ «La CUP no se presentará a las elecciones europeas». El Periódico de Catalunya. 9 de marzo de 2014.
- ↑ Elaboración propia a partir de Boletín Oficial del Estado (12 de xuño de 2014). "Acuerdo de la Junta Electoral Central, por el que se procede a la publicación de los resultados de las elecciones de Diputados al Parlamento Europeo".
- ↑ «Ana Miranda (BNG) ocupará un año y medio el escaño conseguido por la coalición Los Pueblos Deciden». La Información. 26 de maio de 2014. Arquivado 03 de marzo de 2016 en Wayback Machine.