Oasis

Na Galipedia, a Wikipedia en galego.
Saltar ata a navegación Saltar á procura
Oasis Huacachina en Perú.
Oasis de Timimoun en Alxeria.
Mapa dos oasis en Exipto.
Oasis en Libia.

Un oasis é un espazo dun deserto no cal se poden atopar auga e vexetación.[1] Adoitan constituír porcións de terreo fertilizado por unha fonte de auga no medio dos areais. Nestes lugares pode haber pequenos asentamentos habitados, como os da rexión do Sáhara, a península arábiga ou pobos como os de Pica, en Chile, Ica en Perú ou Parras de la Fuente, en México. Ademais de dar cultivos aos poboadores próximos, serven para abastecer aos viaxeiros e caravanas. Algunhas veces eran confundidos debido ás ilusións ópticas coñecidas como miraxes ou espellismos.

Orixe do termo[editar | editar a fonte]

A palabra oasis provén do grego ὄασις [oasis], tomado do exipcio ouḥ3t, en demótico ouḥỉ e en copto uaḥe.

Oasis de Exipto[editar | editar a fonte]

Soados son os oasis de Exipto, que foron administrados coa mesma atención que as demais rexións durante a época do antigo Exipto. Servían de lugar de aprovisionamento e descanso ás grandes caravanas de beduínos comerciantes do interior de África, facéndose mención nos anais exipcios destes baixo a denominación máis xeral de habitantes do territorio líbico.

Oasis en Suramérica[editar | editar a fonte]

A lagoa de Huacachina é un oasis situado a 5 km ao oeste da cidade de Ica (no Perú) e a 60 km ao leste da costa do océano Pacífico.[2] Preséntase como un verdadeiro oasis natural no medio das brancas areas do deserto costeiro do Perú. De augas cor verde esmeralda, xurdiu debido ao afloramento de correntes subterráneas e ao redor dela hai unha abundante vexetación composta de palmeiras, eucaliptos (especies introducidas) e a especie de algarrobo coñecida como huarango, que serven para o descanso das aves migratorias que pasan por esta rexión. Todo iso contribúe a facer de Huacachina un dos lugares máis vistosos e belos da costa peruana.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para Oasis.
  2. "Huacachina.com" (en inglés). Consultado o 30 de marzo de 2016. 

Véxase tamén[editar | editar a fonte]

Bibliografía[editar | editar a fonte]

  • Heródoto: La isla de los aventurados. Neste relato aparece por primeira vez a palabra «oasis».