Nil Savaryn

Na Galipedia, a Wikipedia en galego.
Saltar ata a navegación Saltar á procura
Ніль Саварин
(Nil Savaryn)
Bispo da Igrexa católica bizantina ucraína (Igrexa católica)
Ordes
Ordenación sacerdotal23 de agosto de 1931, por Yosafat Kotsylovskyi
Consagración episcopal1 de xullo de 1943
Bispo de Edmonton
1956 (exarca dende 1948) - 1986
SucesorDemetrius Martin Greschuk
Outros
Ficha en catholic-hierarchy.org

Nil Nykolai Savaryn (en ucraíno: Ніль Николай Саварин), nado en Staryi Sambir o 19 de maio de 1905 e finado o 7 de xaneiro de 1986, foi un eclesiástico católico ucraíno, primeiro bispo de Edmonton dende 1956 até o seu pasamento.

Traxectoria[editar | editar a fonte]

Naceu en Staryi Sambir, unha vila entón parte do Reino de Galicia e Lodomeria (hoxe na rexión de Lviv, Ucraína), o 19 de maio de 1905.[1] Foi ordenado sacerdote o 23 de agosto de 1931[1] polo bispo de Przemyśl, Sambor e Sanok Yosafat Kotsylovskyi. O 3 de abril de 1943 foi nomeado bispo auxiliar do exarcado do Canadá e bispo titular de Ios.[1] Recibiu a consagración episcopal o 1 de xullo de 1943[1] de mans do exarca apostólico do Canadá Vasyl Ladyka. O 3 de marzo de 1948 foi nomeado exarca apostólico do Canadá Occidental.[1] Coa elevación da sé o 3 de novembro de 1956 foi nomeado bispo de Edmonton.[1] Finou no cargo o 7 de xaneiro de 1986.[1]

Notas[editar | editar a fonte]

  1. 1,0 1,1 1,2 1,3 1,4 1,5 1,6 Blazejowskyj, Dmytro (1990). Hierarchy of the Kyivan Church (861-1990). Roma: Editiones Universitatis Catholicae Ucrainorum S. Clementi Papae. p. 349. OCLC 22834909.