Neil Carothers
| Biografía | |
|---|---|
| Nacemento | 19 de setembro de 1844 Chattanooga, Tennessee. |
| Morte | 8 de xullo de 1965 Annandale, Virxinia. |
| País de nacionalidade |  Estadounidense |
| Educación |  Universidade Princeton. |
| Actividade | |
| Ocupación | Economista e numismático. |
| Familia | |
| Fillos | Neil Carothers  |
| Premios | |
| |
Neil Carothers, nado en Chattanooga, Tennessee, o 19 de setembro de 1884 e finado en Annandale, Virxinia, o 8 de xullo de 1965, foi un economista, profesor universitario e numismático estadounidense.
Traxectoria
[editar | editar a fonte]Na súa infancia, a familia de Neil Carothers desprazouse desde a súa Chattanooga natal ata Little Rock, Arcansas.[1][2]
Logo da súa formación universitaria foi profesor adxunto de Economía na Universidade de Arcansas, e en 1916 acadou o seu doutoramento na Universidade Princeton.[1][2]
Cumpriu o seu servizo militar (1917-1919) participando na primeira guerra mundial, primeiro como tenente nas forzas aéreas e logo como capitán.[3] Finalizada a súa etapa militar traballou para a compañía Guarantee Trust Co. (1919-1923).[2]
En 1923 ingresou na Universidade de Lehigh, en Bethlehem, Pensilvania, como profesor de Economía ata 1936 e como decano da Facultade de Administración de Empresas a partir de entón.[3] En 1949 renunciou ao decanato e pasou a ser profesor emérito.[1][2]
Ademais, foi asesor económico do Chicago Daily News e doutros xornais.[1]
Carothers foi un opositor ao New Deal de Roosevelt. Malia ter unha orixe demócrata, participou activamente nas campañas presidenciais republicanas de 1940 e de 1944. Grazas ao seu prestixio como economista nos Estados Unidos, foi elixido vicepresidente do Comité Económico Nacional de Política Monetaria, e en 1952 foi nomeado polas Nacións Unidas asesor para as políticas para a recuperación económica de Corea do Sur.[1][2]
Vida persoal
[editar | editar a fonte]Neil Carothers estivo casado con Eileen Hamilton Carothers, con quen tivo tres fillos: Neil, Hamilton e Stuart Carothers.[1][2][3]
Faleceu o 8 de xullo de 1965 na residencia da terceira idade Sleepy Hollow, de Annandale, Virxinia, aos 81 anos.[1][2][3]
Publicacións
[editar | editar a fonte]Estes son os principais traballos monográficos publicados por Neil Carothers ao longo da súa traxectoria:
- (1895). The Fifty-cent Dollar. Standard Pblishing. Chattanooga.
- (1930). Fractional Money: A History of Small Coins and Fractional Paper Currency of the United States. John Wiley & Sons, Nova York. [Reimpreso en 1988 por Bowers and Merena, Wolfeboro. ISBN 0-943161-12-6]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Smith, P. (2012). "Carothers, Neil Dr.". En American Numismatic Biographies. Páxina 75.
- "Obituaries: Neil Carothiers" En The Numismatist. American Numismatic Association. Vol. 79. Nº 4. Páxina 453.
