Negros, Redondela

Na Galipedia, a Wikipedia en galego.
Negros
Petróglifos do Monte Penide, Negros, Redondela.jpg
Petróglifos do Monte Penide.
Concello Redondela
Poboación 533 hab. (2009)
Entidades de poboación 4

Santo Estevo de Negros é unha parroquia que se localiza no concello de Redondela. Segundo o IGE en 2009 tiña 533 habitantes, distribuídos en 4 entidades de poboación, o que supón unha diminución en relación ao ano 1999 cando tiña 547 habitantes.

Xeografía[editar | editar a fonte]

Limita ao norte coa parroquia de Cedeira, ao sur con Cabeiro, ao leste con Saxamonde e ao oeste con Trasmañó. Está atravesada pola estrada N-555 (que vai de Redondela ao aeroporto de Peinador) e a vía férrea que une Redondela e Ourense.

Historia[editar | editar a fonte]

Esta parroquia tivo importancia a comezos do século XIX na guerra napoleónica, na que a partida do cura da parroquia, Ramón Lamas obtivo recoñecemento na reconquista de Vigo, no axexo do posto de garda francés da parroquia de Saxamonde, na Barreira, e posterior informe dos movementos ós oficiais militares.

Patrimonio[editar | editar a fonte]

No monte de Santo Estevo de Negros hai restos dun poboado castrexo, e preto de alí está a mámoa do Rei. Asemade dos achados de olería do monte do Castro, ten ente outro patrimonio unha igrexa que ten sancristía e ábsida do XVI e a portada é de finais do XVIII. Ten muíños de auga en funcionamento, dous en Fixón, tamén en Fixón dúas pontes, unha xa citada no principio do século XIX.

Festas[editar | editar a fonte]

A festa patronal é o 26 de decembro. O primeiro domingo de outubro celébrase a festa da mazá.

Galería de imaxes[editar | editar a fonte]

Lugares e parroquias[editar | editar a fonte]

Lugares de Negros[editar | editar a fonte]

Lugares da parroquia de Negros no concello de Redondela (Pontevedra)

Fixón | A Igrexa | Negros | Pregal

Parroquias de Redondela[editar | editar a fonte]

Galicia | Provincia de Pontevedra | Parroquias de Redondela

Cabeiro (San Xoán) | Cedeira (Santo André) | Cesantes (San Pedro) | Chapela (San Fausto) | Negros (Santo Estevo) | Quintela (San Mamede) | Reboreda (Santa María) | Redondela (Santiago) | Saxamonde (San Román) | Trasmañó (San Vicente) | Ventosela (San Martiño) | Vilar de Infesta (San Martiño) | O Viso (Santa María)

Véxase tamén[editar | editar a fonte]

Outros artigos[editar | editar a fonte]