Morten Gamst Pedersen

Na Galipedia, a Wikipedia en galego.
Morten Gamst Pedersen
Gamst vs ManUtd.jpg
Pedersen xogando co Blackburn Rovers en 2009
Información persoal
Nome completo Morten Gamst Pedersen[1]
Nacemento 8 de setembro de 1981[1]
Lugar Vadsø,
Altura 1.80 m
Posición Centrocampista
Información de club
Club actual Tromsø
Carreira xuvenil
1997–1998 Norild
1998–1999 Polarstjernen
1999–2000 Norild
Carreira sénior
Anos Equipos Aprs (Gls)
2000–2004 Tromsø 103 (40)
2004–2013 Blackburn Rovers 288 (35)
2013–2014 Karabükspor 10 (0)
2014–2016 Rosenborg 28 (3)
2016– Tromsø 6 (0)
Selección nacional
2001–2004 Noruega sub-21 18 (10)
2004–2014 Noruega 83 (17)
* Partidos e goles só en liga doméstica. Actualizados a 26 de outubro 2016
† Aparicións (Goles)

Morten Gamst Pedersen, nado o 8 de setembro de 1981 en Vadsø, é un futbolista noruegués que como centrocampista ou extremo esquerdo.

Traxectoria[editar | editar a fonte]

Primeiros anos[editar | editar a fonte]

Orixinario do condado de Finnmark, comezou a súa carreira no Tromsø IL, o club da principal cidade do norte do país, Tromsø.

Blackburn Rovers[editar | editar a fonte]

Logo de catro anos no campionato noruegués, onde logrou marcar unha media dun gol cada dous partidos, fichou polos Blackburn Rovers en 2004 e xogou o seu primeiro partido da Premier League o 28 de agosto de 2004, contra o Manchester United, que acabou nun empate 1-1. Rematou a tempada 2004-2005 como o segundo mellor goleador do club, con 8 goles.

Durante a tempada 2006-2007 figurou como titular na maioría dos encontros, xogando como extremo esquerdo e marcou 6 goles na liga, ademais de realizar 11 asistencias.

Turquía[editar | editar a fonte]

En agosto de 2013 firmou de balde co club turco do Karabükspor.

Rosenborg[editar | editar a fonte]

En marzo 2014 volveu a Noruega para xogar co Rosenborg[2], principiou ben a tempada pero unha lesión arredouno dos terreos de xogo e en xaneiro de 2016 o club e o xogador concordaron en poñer fin ao contrato.[3] e ao pouco fichou polo Tromsø[4]

Carreira internacional[editar | editar a fonte]

Morten Gamst Pedersen xogou por primeira volta coa selección do seu país en 2004, e o o 18 de febreiro de 2004 marcou dous goles contra Irlanda do Norte, nunha vitoria final por 4 a 1. O 2 de setembro de 2006, durante un partido de clasificación para para a Eurocopa 2008 contra Hungría marcou un gol semellante ao realizado polo seu ídolo, a estrela neerlandesa da década de 1980 Marco van Basten, na final da Eurocopa de 1988. Os xornais noruegueses, como o Aftenposten ou o Dagbladet déronlle o sobrenome de "Van Gamsten".[5] Logo dese partido recibiu o Gullklokka, que é unha distinción dada os internacionais noruegueses que chegaron ás 25 convocatorias coa selección nacional.

O 12 de agosto de 2009, nun partido de clasificación para o mundial de 2010 contra Escocia, marcou un dobre que lle permitiu ao seu equipo impoñerse. Xogou o seu último partido coa selección nacional contra Chequia o 5 de marzo de 2014 nun empate 2–2.

Notas[editar | editar a fonte]

  1. 1,0 1,1 Hugman, Barry J., ed. (2010). The PFA Footballers' Who's Who 2010–11. Edinburgh: Mainstream Publishing. p. 331. ISBN 978-1-84596-601-0. 
  2. «Satses på som midtbanespiller», RBK.no 8 de marzo de 2014
  3. «Gamst Pedersen ferdig i Rosenborg», Aftenposten, 7 de xaneiro de 2016
  4. "Morten Gamst Pedersen klar for Tromsø", Aftenposten, 9 de xaneiro de 2016
  5. «Morten van Gamsten », VG, 2 de setembro de 2008