Miss Marple

Na Galipedia, a Wikipedia en galego.
Saltar ata a navegación Saltar á procura

Jane Marple ou Miss Marple é un personaxe novelesco creado pola escritora británica de xénero policial Agatha Christie, e cuxa aparición é constante en moitas das súas novelas. O personaxe é unha dama entrada en anos, residente en St. Mary Mead, unha adorable vila de campo. O seu coñecemento da natureza humana axudouna a descubrir moitos casos imposibles mesmo para os máis importantes inspectores de Scotland Yard.

É a protagonista de 13 novelas da citada escritora, así como de variados relatos curtos. A fama adquirida por este personaxe e o seu bo definido perfil, sitúao como o arquetipo do investigador-afeccionado.

Personalidade[editar | editar a fonte]

Miss Marple é descrita en moitas ocasións pola súa creadora como unha anciá solteira e solitaria, pero optimista e a pesar da súa idade, idealista. Aínda que da súa vida persoal non se coñece moito, é evidente que é un querido personaxe de St. Mary Mead. Observadora, atenta, pero, sobre todo, curiosa, é unha amante dos enigmas e misterios, que non son ningún problema para ela, debido á súa capacidade analítica.

Frecuentemente, alardea sobre o seu coñecemento ou sobre o comportamento humano e as súas consecuencias, lembrando a todos a sabedoría obtida co paso do tempo. A súa frase predilecta é: "a xente éche igual en todas partes", sempre complementándoa co seu profundo coñecemento dos habitantes do seu pobo St. Mary Mead.

Aparicións[editar | editar a fonte]