Mike Nichols

Na Galipedia, a Wikipedia en galego.
Mike Nichols
Elaine May e Mike Nichols en 1960.

Mikhail Igorevich Peschkowsky, nado en Berlín, Alemaña o 6 de novembro de 1931 e falecido o 19 de novembro de 2014 en Nova York, foi un director de cinema e de teatro estadounidense. Era coñecido como Mike Nichols.

Traxectoria[editar | editar a fonte]

Fillo dunha xudía alemá e dun inmigrante ruso nado en Viena, seus pais mandárono xunto co seu irmán menor aos Estados Unidos en 1938 por medo os ataques rusos. O resto da familia chegaría a Nova York o ano seguinte, onde cambiaron o seu apelido polo de Nichols.

Mentres estudaba na University of Chicago, comezou a faltar a clases para ir ao teatro. Finalmente deixaría a universidade para ingresar no Actor’s Studio.

A súa carreira artística comezou facendo un dúo cómico con Elaine May.

Tras dirixir varias obras teatrais foi contratado para levar ao cine Who's Afraid of Virginia Woolf?, de Edward Albee. O filme foi un gran éxito, conseguindo trece candidaturas ao oscar. O seu seguinte filme, O graduado, converteuse no máis exitoso do ano 1967 e con el gañou o oscar ao mellor director. A pesar destes éxitos seguiu dirixindo tamén teatro.

Nos oitenta recupera o éxito perdido no cinema con Silkwood e Working Girl. E máis adiante tamén triunfaría na televisión con Wit e Angels in America.

Premios[editar | editar a fonte]

Data Modalidade Título Premio Categoría
1961 Disco An Evening With Mike Nichols And Elaine May Grammy Mellor disco de comedia
1964 Teatro Barefoot in the Park Tony Mellor director
1965 Teatro Luv: The Odd Couple Tony Mellor director
1967 Película O graduado Oscar Mellor director
BAFTA Mellor director
Globo de Ouro Mellor película cómica ou musical
1968 Teatro Plaza suite Tony Mellor director
1972 Teatro The Prisoner of Second Avenue Tony Mellor director
1977 Película Annie Tony Mellor musical
1984 Teatro The Real Thing Tony Mellor obra
2001 Telefilme Wit Emmy Mellor TV Movie
Mellor director TV Movie
2004 Telefilme Angels in America Emmy Mellor TV Movie
Mellor director TV Movie
2005 Teatro Spamalot Tony Mellor director musical

Tamén foi nomeado candidato aos premios Oscar como Mellor director en 1966 (Who's Afraid of Virginia Woolf?), 1983 (Silkwood) e 1988 (Working Girl).

Obra[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]