Migennes

Na Galipedia, a Wikipedia en galego.
Saltar ata a navegación Saltar á procura
Vista de Migennes, coa canle de Borgoña en primeiro termo

Migennes é unha vila e un concello francés situado no departamento de Yonne, na rexión de Borgoña. Contaba con 7.373 habitantes en 2007. A extensión do concello ou commune é de 16,58 Ha.

Xeografía[editar | editar a fonte]

Está sito a uns vinte km de Auxerre, capital do departamento, na confluencia do río Armançon e do Yonne, entre 85 e 120 m sobre o nivel do mar.

Ademais, Migennes é o punto de partida da canle de Borgoña, de 242 km de lonxitude, que termina en Saint-Jean-de-Losne, canal que permite unir o río Yonne (e o Sena através del) co río Saona.

Historia[editar | editar a fonte]

Escavacións efectuadas en 2004, mostraron que a zona estaba xa habitada na Era do Bronce. Da época galo-romana os mosaicos e outros obxectos mostran que tiña unha certa importancia. A vila denominábase Mitigana durante o Imperio Romano.

A vila debe a súa fama á súa estación, denominada Laroche-Migennes e mais a aparecer nunha canción burlenta do talentoso chansonnier Jean Raymond, que dicía "Laroche Mimi Laroche Migennes etc...".

Sito Migennes á mesma distancia de Dijon que de París, para o cambio de locomotoras estabeleceuse a localidade como sitio de cambio ideal. Porén a electrificación fixo que perdese importancia como estación intermedia.

Monumentos[editar | editar a fonte]

  • Igrexa parroquial de "Saint Pancrace": ofrece unha representacion mural do Dito dos tres mortos e os tres vivos: tres mozos son interpelados nun cemiterio por tres mortos, que lles lembran a brevedade da vida e a importancia da saúde da súas almas.
  • Igrexa parroquial de "Christ-Roi": comezouse a contruír en 1925 e foi consagrada en 1935. Está edificada en cemento, material entón moi novedoso. O seu impresionante campanario alcanza 60 metros de altura.

Véxase tamén[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]