Río Yonne
| Río Yonne | |
|---|---|
 o río Yonne o seu paso por Auxerre | |
| País | Francia |
| Nacemento | Lombas de Morvan |
| Lonxitude | 293 km |
| Conca | 10.887 km² |
| Caudal medio | 95 m³/s |
| Desembocadura | Río Sena |
O Yonne é un río francés, afluente do Sena pola súa beira esquerda, no cal verte as súas augas despois de percorrer 293 km. Dá nome ao departamento de Yonne.
Curso[editar | editar a fonte]
A fonte do Yonne está situada no departamento de Nièvre, nas lombas de Morvan a uns 730 m sobre o nivel do mar, cerca de Château-Chinon.
Des o departamento de Nièvre corre para noroeste escavando un profundo val con formacións calcáreas. Pasada a cidade de Auxerre, capital do departamento de Yonne, atravesa unha grande chaira, ensanchándose e tornándose navegábel. Conflúe con o Sena en Montereau-Fault-Yonne.
Afluentes[editar | editar a fonte]
Ten numerosos tributarios, entre os cales salientan o Armançon, o Cure e o Serein, todos eles pola dereita, e que superan os 150 km de lonxitude; os afluentes da marxe esquerda son máis curtos, cabe citar entre eles o río Vrin e o Tholon, que non chegan alcanzar os 40 km de curso. O caudal medio do Yonne é superior ao do Sena no punto de confluencia; o seu valor medio é de 95 m³/s.
[editar | editar a fonte]
O Yonne é navegábel nunha lonxitude de sobre 108 km desde Auxerre até Montereau-Fault-Yonne, na unión con o Sena. Ten 26 esclusas cun gálibo mínimo de 93 m por 8,30 m.
Está ligado ao Saona polo canal de Borgoña, que principia en Migennes, e comunica co río Loira por medio do canal do Nivernais, cuxo punto de partida está en Auxerre.
Cidades bañadas polo Yonne[editar | editar a fonte]
Topónimo[editar | editar a fonte]
O seu nome procede do celta Ica-Onna. Ica e Onna son dúas raíces hidronímicas.
 |
Commons ten máis contidos multimedia sobre: Río Yonne |
