Joigny

Joigny, Casa do Bailío

Joigny é un concello francés situado no departamento do Yonne, que pertence á rexión da Borgoña.

Xeografía

Joigny atópase no centro do departamento do Yonne, a 27 km ao norte deAuxerre, a 30 km ao sur de Sens, a 75 km ao oeste de Troyes e a uns 140 km ao sueste de París. Pertencen ao concello uns 44,89 km², onde viven 10.032 persoas conforme o censo de 1999.

Historia

Joigny foi ocupado dende o neolítico e tamén en época romana, onde recibía o nome de Joviniacum. En época merovinxia iníciase a construción dunha praza forte no século X, por orde de Raynard o Vello, conde de Sens, que suporá o nacemento da cidade actual. A data de fundación oficial é 996.

Pouco máis se sabe dela en varios séculos de historia (un incendio a asolou en 1530), dunha cidade que pertencía á rexión de Champaña. A economía agraria tradicional tiña unha estrela particular, o viño, que foi a fonte da riqueza de Joigny ata a aparición da filoxera. Coa creación dos departamentos trala Revolución Francesa, Joigny pasa a pertencer á rexión de Borgoña, co grao de subprefectura, que perde en 1926.

Durante a segunda guerra mundial sofre diversos bombardeos, particularmente o centro histórico (a praza Saint-Jean, a porta Saint-Jean e a Casa do Bailío, que tivo que ser recnstruída).

Cidades irmás

Joigny está irmandada coa cidade (alemá) de Mayen, coa inglesa de Godalming, coa estadounidense de Hanover, coa italiana de Amelia e coa tamén francesa de Joigny-sur-Meuse, que se atopa no departamento de Ardenas.

Véxase tamén

• Marcel Aymé, escritor nado en Joigny o 29 de marzo de 1902

Ligazóns externas

• Web oficial do concello de Joigny