Mary Tyler Moore

Na Galipedia, a Wikipedia en galego.
Mary Tyler Moor en 2011.

Mary Tyler Moore, nada o 29 de decembro de 1936 en Brooklyn (Nova York) e finada o 25 de xaneiro de 2017 en Greenwich (Connecticut), foi unha actriz e presentadora de televisión de estadounidense.

Traxectoria[editar | editar a fonte]

Moore foi coñecida polo papel de Laura Petrie ( a dona de Dick Van Dyke) en The Dick Van Dyke Show (1961–66) e por ser a protagonista de The Mary Tyler Moore Show (1970–77) na que interpretou a Mary Richards, unha muller solteira duns trinta anos que traballa como produtora de noticias en Minneapolis. Tamén apareceu en varios filmes, o máis coñecido foi Xente corrente (1980), onde interpreta un papel oposto aos personaxes de televisión que desenvolvera e polo que foi candidata ao Óscar á mellor actriz. Moore foi tamén unha coñecida activista en prevención e investigación da diabetes mellitus e foi presidenta internacional da Juvenile Diabetes Research Foundation.

Véxase tamén[editar | editar a fonte]

Ligazóns externas[editar | editar a fonte]