Mary Daly

Mary Daly
Biografía
Nacemento	16 de outubro de 1928 ; Schenectady, Estados Unidos de América (pt)
Morte	3 de xaneiro de 2010 (81 anos); Gardner, Estados Unidos de América (pt)
Lugar de sepultura	Cemitério de Mount Auburn (pt)
Relixión	Igrexa católica
Educación	Universidade Católica de América ; The College of Saint Rose (en) ; Universidade de Friburgo, Suíza ; Saint Mary's College (pt)
Actividade
Campo de traballo	Feminismo, filosofía e teoloxía
Ocupación	teólogo, profesora universitaria, filósofa, escritora, activista polos dereitos das mulleres
Empregador	Universidade de Boston
Obra
Arquivos en	Smith College Archives (en) SSC-MS-00637 ;
Descrito pola fonte	American Women Writers

Mary Daly, nada o 16 de outubro de 1928 e finada o 3 de xaneiro de 2010,^[1] foi unha pensadora feminista.

Traxectoria

Formouse no College of Saint Rose, na Universidade Católica de América e doutorouse en relixión no Saint Mary´s College. Impartiu clases no Boston College dos xesuítas dende 1967 a 1999. Mary Daly rexeitaba admitir homes nas súas clases argüíndo que inhibían a liberdade das mulleres. Isto provocoulle problemas disciplinarios e fixo dela unha bandeira da loita feminista.

Pensamento

Seguindo a teoloxía de Paul Tillich Mary Daly tentou facer compatible o cristianismo co feminismo tentando superar o androcentrismo da relixión occidental. Nas súas críticas ás relixións indíxenas entrou en polémica co feminismo negro de Audre Lorde.

Tentou desmontar os estereotipos da sociedade patriarcal que manteñen a muller submisa e encerrada nun submundo de represión e dominación machista que drena a enerxía femenina no seu proveito.

Estudou como o home buscou oprimir a muller ao longo da historia e propón vías de liberación e emancipación. Preocupada polo ecoloxismo defendeu que para evitar a depredación do planeta era fundamental reducir drasticamente o número de homes. Entende que a muller debe dominar sobre o home avogando por unha reversión sociopolítica do poder.

Defendeu unha sexualidade liberada que faga o macho prescindible e criticou o transexualismo como produto dunha tecnoloxía falocrática. Sostén que ningún transexual pode ser unha muller auténtica porque non é quen de asumir os cromosomas femininos e a historia e a experiencia que han de apoderar un futuro de realización e liberación feminina.

Notas

↑ Fox, Margalit (2010-01-07). "Mary Daly, a Leader in Feminist Theology, Dies at 81". The New York Times (en inglés). ISSN 0362-4331. Consultado o 2023-06-16.

Véxase tamén

Ligazóns externas

Mary Daly en glbtq.com (en inglés)

[1] Fox, Margalit (2010-01-07). "Mary Daly, a Leader in Feminist Theology, Dies at 81". The New York Times (en inglés). ISSN 0362-4331. Consultado o 2023-06-16.

[1]