Audre Lorde

Audre Lorde
Nome completo	Audrey Geraldine Lorde
Nacemento	18 de febreiro de 1934
Lugar de nacemento	Nova York
Falecemento	17 de novembro de 1992
Lugar de falecemento	Santa Cruz, Illas Virxes
Causa	Cancro de mama e cancro de fígado
Nacionalidade	Estados Unidos de América
Etnia	Afroamericano
Alma máter	Universidade de Columbia, Hunter College, Hunter College High School, Universidade Nacional Autónoma de México e Columbia University School of Library Service
Ocupación	bibliotecaria, poeta, novelista, escritora, activista polos dereitos das mulleres, ensaísta, profesora universitaria e mestra
Coñecida por	Sister Outsider, The Cancer Journals, Zami: A New Spelling of My Name, Uses of the Erotic: The Erotic as Power e Cables to Rage
Premios	Lambda Literary Award e American Book Awards
Na rede
[ editar datos en Wikidata ]

Audre Geraldine Lorde, nada en Harlem, Nova York o 18 de febreiro de 1934 e finada en Saint Croix o 17 de novembro de 1992, foi unha escritora afroamericana, feminista, lesbiana e activista polos dereitos civís.

Traxectoria

Como poeta é especialmente coñecida polo seu dominio técnico e expresión emocional cos cales expresa ira e indignación polas inxustizas civís e sociais que observou ó longo da súa vida. Os seus poemas e prosa trataron en gran medida temas relacionados cos dereitos civís, o feminismo e a exploración da identidade feminina negra. A súa obra máis coñecida é Sister Outsider, un libro de ensaios que contén varios dos seus textos máis influentes das loitas contra o racismo, o machismo e a opresión heteronormativa como son "Non hai xerarquías na opresión" e "As ferramentas do amo non destruirán a casa do amo". Tras pasar pola experiencia do cancro de mama e reflexionar sobre as discriminacións sufridas polas mulleres, que se superpoñen ás de raza e de orientación sexual e que se suman á enfermidade, publicou en 1981 The Cancer Journals un texto dirixido tanto a quen viviu ou vive a experiencia, como para quen acompañan a outras no proceso.