Marta Doviro

Na Galipedia, a Wikipedia en galego.
Saltar ata a navegación Saltar á procura
Marta Doviro
MartaDoviro (cropped).jpg
Nacemento1984
 Santiago de Compostela
NacionalidadeEspaña
editar datos en Wikidata ]

Marta Pérez Torre, de nome artístico Marta Doviro, nada en Santiago de Compostela en 1984, é unha actriz e presentadora de televisión galega.[1] Debe o seu nome artístico ó alcume da súa familia paterna, orixinaria da aldea de Viro, na Serra de Outes.

Traxectoria[editar | editar a fonte]

Criouse entre Muxía e Corcubión e con 17 anos volveu a Santiago, onde estudou tres anos de Farmacia. Nesta etapa gañou o concurso de moda local organizado por El Corte Inglés e quedou finalista en dúas ocasións no concurso de moda Top Área Central. Logo deses tres anos decidiu mudar para Ourense onde finalmente se diplomou en Deseño de Produtos.[Cómpre referencia]

Logo desta etapa universitaria mudou para A Coruña onde estivo traballando no departamento de mercadotecnia da firma galega de moda Caramelo.[1]

Presentou A mochila do viaxeiro en V Televisión, traballo polo que foi nomeada a un Premio Mestre Mateo no ano 2011 na categoría de Mellor Comunicadora. Na Televisión de Galicia presentou De quen vés sendo? en 2013, Somos ben curiosos en 2015 [2] e Máis galego nos veráns de 2014 e 2015 polo que foi finalista, de novo na categoría de mellor comunicadora, dos Mestre Mateo 2014.

Tamén presentou xunto a actriz Isabel Blanco o programa Especial 30 anos de Series da TVG e acompañou a Xosé Ramón Gayoso copresentando Luar en xullo do 2015. Ese mesmo verán retransmitiu en directo as fogueiras de San Xoán nun programa especial da TVG xunto a Lucía Rodríguez Vázquez e Bernardo Montaña.[Cómpre referencia]

No ámbito da interpretación participou como "Doutora Pita" na serie de televisión Luci en 2014, e deu vida a "Olalla" na serie Pazo de Familia desde a súa incorporación de 2015 a 2017, na 3ª temporada e durante dúas máis, ata a penúltima da serie.[Cómpre referencia]

En 2016 participa no especial de nadal de Larpeiros (TVG), e nos anos 2016-2017 presentou Feirantes[3] e Gastrópodos, cociña en ruta na TVG.[4] Tamén en 2017 roda a curtametraxe "O jazz dos proscritos", de Manuel Gil Castro.

En 2018 acadou a súa terceira nominación ós premios Mestre Mateo como mellor comunicadora [1], co programa "Unha viaxe para contar", tamén na Televisión de Galicia, gala na cal tamén se encarga de entregar un dos premios.[2] A finais dese mesmo ano, comezou a grabar a segunda tempada do programa Malo será, que se emite ó longo de 2019 na TVG, no que exerce de presentadora, e ocasionalmente tamén participa actuando nalgún sketch, sendo a súa primeira incursión no mundo do humor. [3] Todo isto combínao coa presentación de diversas galas de moda, deportivas, benéficas, culturais e de festas por toda Galicia, participacións en programas de radio na Radio Galega e en Radio Coruña, especiais de nadal do programa "Coma un allo", entrevistas no programa A Revista, e en obras de teatro, a última, "E se os soños se cumpren", ca compañía O Garaxe Hermenéutico, para o público infantil. Tamén imparte en 2019 clases de teatro, ademáis de seguir formándose en distintas disciplinas.

Así mesmo, volveu ó mundo da publicidade ó protagonizar en 2019 un spot televisivo para o lanzamento de MEGA da cervexeira Estrella Galicia.[4]

Galardóns e nomeamentos[editar | editar a fonte]

Premios Mestre Mateo[editar | editar a fonte]

Ano Categoría Título Resultado
2011 Mellor comunicadora A mochila do viaxeiro Nomeada
2014 Mellor comunicadora Máis galego Nomeada
2018 Mellor comunicadora Unha viaxe para contar Nomeada

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]