Mareas en Común

Na Galipedia, a Wikipedia en galego.
Saltar ata a navegación Saltar á procura

Mareas en Común foi un proceso de confluencia política entre candidaturas locais de toda Galicia nacidas antes das eleccións municipais do 2015.

O proceso iniciouse o 16 de xaneiro do 2016, en A Estrada, onde se congregaron ata 38 candidaturas de diferentes denominacións e formatos (agrupacións de electores, partidos instrumentais, partidos locais) que se autoreferenciaban como espazos cidadáns abertos diferentes ás alternativas políticas clásicas ata o momento. Durante os meses de xaneiro a xuño do 2016 os encontros das "mareas" sucedéronse ao longo do país (Ourense, Lugo, Marín, Pobra do Caramiñal, Pontevedra, etc.) tentando artellar unha rede de movementos locais que facilitase o nacemento dun espazo común onde tivesen cabida tamén as organizacións políticas que apoiaban en moitos concellos estas candidaturas (Anova, Esquerda Unida e Podemos, principalmente).

O 5 de xullo os alcaldes da Coruña (Xulio Ferreiro), Compostela (Martiño Noriega) e Ferrol (Jorge Suárez) lanzaban un manifesto chamando á confluencia das partes implicadas. Como resultado, o 30 de xullo, no auditorio Mar de Vigo (Vigo) celebrábase o primeiro plenario do que se daría en chamar En Marea, que se constituía desde ese momento como partido instrumental.

Logo da ruptura de En Marea con Podemos e Esquerda Unida, Mareas en Común, é unha marca que emprega a coalición En Común nas súas candidaturas[1] e, aínda que En Marea pretendeu que non se puidera empregar esa denominación alegando posible confusión, a Xunta Electoral, denegou esa pretensión.[2]

Notas[editar | editar a fonte]

  1. Luaña, Susana (28-3-2019). "Podemos se aprovecha del sello Mareas en Común para sus listas en Galicia". lavozdegalicia.es (en castelán). Consultado o 20-4-2019. 
  2. Domínguez, Daniel (4-4-2019). "En Marea fracasa en su intento de impedir que En Común use "Mareas en Común" en su marca 28-A". farodevigo.es (en castelán). Consultado o 23-6-2019. 

Véxase tamén[editar | editar a fonte]

Outros artigos[editar | editar a fonte]