Martiño Noriega

Martiño Noriega Sánchez
	Martiño Noriega Sánchez
; Alcalde de Santiago de Compostela
	13 de xuño de 2015 – 15 de xuño de 2019
Precedido por	Agustín Hernández
Sucedido por	Xosé Antonio Sánchez Bugallo
; Alcalde de Teo;
	16 de xuño de 2007 – 13 de xuño de 2015
Precedido por	Armando Blanco
Sucedido por	Rafael Sisto
Datos persoais
Nacemento	22 de febreiro de 1975 (48 anos); A Coruña, Galicia
Partido	Compostela Aberta,; Anova
Profesión	Médico
Alma máter	Universidade de Santiago de Compostela
Na rede

Martiño Noriega Sánchez, nado na Coruña o 22 de febreiro de 1975, é un médico e político galego.

Traxectoria[editar | editar a fonte]

Criado no ensanche compostelán, desde os 6 anos viviu no concello de Teo. Licenciado en Medicina pola Universidade de Santiago de Compostela, realizou a especialidade en Medicina de Familia na área de Santiago de Compostela. Traballou en Atención Primaria da Comarca de Compostela e tamén como médico coordinador na Fundación de Urxencias Sanitarias do 061. DEA en Saúde Pública pola USC. En marzo do 2020 no comezo da pandemia da COVID, reincorporouse á Atención Primaria como médico de familia na área sanitaria de Santiago-Barbanza.

Carreira política[editar | editar a fonte]

Martiño Noriega manifesta a súa aposta por gañar en Santiago antes das eleccións municipais de 2015.

Despois de militar na asociación de estudantes universitarios CAF e de ser representante dos estudantes no claustro da Universidade de Santiago, dende 1995 comezou o traballo político no BNG de Teo e en 1999 converteuse en voceiro desta formación no concello. En 2006 entrou no Consello Nacional do BNG, e logo das eleccións municipais de 2007 converteuse en alcalde de Teo, cun goberno en minoría. En 2011 volveu ser elixido alcalde ao acadar a maioría absoluta.

Como membro e vicevoceiro do colectivo Encontro Irmandiño abandonou o BNG en febreiro de 2012, pasando en xullo dese mesmo ano a formar parte do movemento político ANOVA-Irmandade Nacionalista, desenvolvendo nunha primeira etapa o seu traballo político como responsable de Acción Institucional. En xullo do 2013, despois da celebración da I Asemblea Nacional desta organización política, foi elixido Coordinador Nacional. En novembro do 2014, despois da celebración da II Asemblea Nacional de Anova, Martiño Noriega foi elixido Portavoz de Anova xunto a Xosé Manuel Beiras.

En maio de 2015 encabezou unha candidatura de unidade popular en Santiago, Compostela Aberta, que resultou a lista máis votada nas municipais do 24 de maio. O 13 de xuño deste ano foi investido alcalde de Santiago de Compostela, sucedendo ao popular Agustín Hernández.

En setembro de 2018 anunciou a súa intención de volver a concorrer como candidato á alcaldía para as eleccións municipais en maio de 2019, coa idea de repetir co mesmo equipo de goberno para tratar de dar continuidade ó capital político e á experiencia acumulada.^[1]

Nas eleccións municipais de 2019 perdeu a alcaldía que pasou a ocupar Xosé Antonio Sánchez Bugallo do PSdeG.^[2]

Benito Portela, Marta Lois, Antón Sánchez García, María García Gómez, Xulio Ferreiro e Martiño Noriega en 2022.

En setembro de 2022 volveu a ser portavoz nacional de Anova, cargo que compatibiliza co seu traballo como médico de familia.^[3]

Vida persoal[editar | editar a fonte]

É parella de Antía Otero, con quen ten unha filla e un fillo.^[4]

Obra publicada[editar | editar a fonte]

Obra individual[editar | editar a fonte]

Por un común denominador. A esquerda da nación. 2.0 editora (2011).
Publicou artigos de opinión en diferentes xornais como Público, A Nosa Terra, elDiario.es, La Voz de Galicia, Sin Permiso ou El Correo Gallego. Dende setembro de 2021 mantén unha colaboración semanal no xornal Nós Diario^[5].

Obras colectivas[editar | editar a fonte]

Á beira de Beiras. Homenaxe nacional, Galaxia (2011)
Unha cesta de pombas e mazás. Homenaxe a Isaac Díaz Pardo, Edita. Academia Real Isaac Díaz Pardo. (2013)
Entrementres. Ensaios para unha nova cultura política. Corsárias Editora. (2014)
A contradición permanente. Conversas sobre cinco anos de política convulsa (2012-2017). Libro de conversas co poeta é xornalista Daniel Salgado. Edicións Xerais (2017)

Notas[editar | editar a fonte]

↑ Pontevedra, Diario de (2018-09-27). "Martiño Noriega, dispuesto a repetir como candidato en las municipales". Diario de Pontevedra (en castelán). Consultado o 2019-01-17.
↑ Bugallo, proclamado alcalde de Santiago
↑ X.M.P. (29 de setembro de 2022). "Martiño Noriega: "Reactivar un espazo como Anova debe ser visto como positivo"". Nós Diario.
↑ "Martiño Noriega, padre por segunda vez de un varón que se llama Airas". La Voz de Galicia (en castelán). 2 de xuño de 2018.
↑ "Martiño Noriega". Nós Diario.

Véxase tamén[editar | editar a fonte]

Bibliografía[editar | editar a fonte]

A contradición permanente. Conversa sobre cinco anos de política convulsa (2012-2017), con Daniel Salgado, 2017.

Outros artigos[editar | editar a fonte]

Predecesor: Armando Blanco Martínez	Alcalde de Teo 2007 - 2015	Sucesor: Rafael Sisto
Predecesor: Agustín Hernández	Alcalde de Santiago de Compostela 2015 - 2019	Sucesor: Xosé Antonio Sánchez Bugallo

[1] Pontevedra, Diario de (2018-09-27). "Martiño Noriega, dispuesto a repetir como candidato en las municipales". Diario de Pontevedra (en castelán). Consultado o 2019-01-17.

[2] Bugallo, proclamado alcalde de Santiago

[3] X.M.P. (29 de setembro de 2022). "Martiño Noriega: "Reactivar un espazo como Anova debe ser visto como positivo"". Nós Diario.

[4] "Martiño Noriega, padre por segunda vez de un varón que se llama Airas". La Voz de Galicia (en castelán). 2 de xuño de 2018.

[5] "Martiño Noriega". Nós Diario.

[1]

[2]

[3]

[4]

[5]