Marcos Seixo

Marcos Seixo
Nacemento	1959
Lugar de nacemento	Lugo
Nacionalidade	España
Ocupación	historiador
Na rede
[ editar datos en Wikidata ]

Marcos Seixo Pastor, nado en Lugo en 1959, é un historiador e investigador galego da etnografía e a literatura galega.

Traxectoria

Profesor de Lingua e Literatura no Instituto Valle Inclán de Pontevedra. Como músico formou parte dos grupos Verbo Xido e Quinta Feira. Na faceta de escritor cómpre destacar como autor das primeiras biografías de Roberto Blanco Torres e Xoán Xesús González, a edición dalgunhas das súas obras, así como distintos traballos sobre a represión franquista e algúns artigos en distintos medios. É membro da Asociación Cultural O Meigallo de Cuntis, da Comisión pola Memoria Siñor Afranio e coordinador, dende 1999, da revista cultural A Taboada, na que ten publicado traballos de carácter histórico, literario e etnográfico.

Obra

Investigación

• Roberto Blanco Torres, 1998, A Nosa Terra.
• Xoán Xesús González: canteiro, xornalista, escritor e político, 2007, Ir Indo.
• A loita permanente de Xoán Xesús González, 2008, A Nosa Terra.

Edicións

• Xornalismo irmandiño, de Roberto Blanco Torres, 1999, A Nosa Terra.
• A modelo de Paco Asorei de Xoán Xesús González, 2002, Xerais.
• Felisa de Xoán Xesús González, 2007, Fervenza.

Obras colectivas

• Roberto Blanco Torres. Vida e obra, 1999, Xerais.
• Roberto Blanco Torres: vida, obra e pensamento, 2002, Edicións Fouce, A Estrada. Con Belén Pazos Touriño e Pilar Pena Búa.
• Alma de beiramar, 2003, Asociación de Escritores en Lingua Galega.
• A represión franquista en Galicia. Actas do Congreso da Memoria de Narón, 2003.
• Xornalistas con opinión, 2007, Galaxia.
• Homenaxe a Antón Alonso Ríos e Ramón de Valenzuela, Xunta de Galicia.

Véxase tamén

Ligazóns externas

• Memoria de Cuntis (blog de Marcos Seixo)
• Marcos Seixo na páxina web da Asociación de Escritoras e Escritores en Lingua Galega.