María Socorro Cea Vázquez

Na Galipedia, a Wikipedia en galego.

María Socorro Cea Vázquez, nada en Melide en 1970, é unha mestra e política galega vinculada ao BNG.

Traxectoria[editar | editar a fonte]

A súa primeira aparición en política foi en 1999 ocupando o posto número cinco da candidatura do BNG de Melide. En 2003 encabezou a candidatura nacionalista. Meses despois foi elixida deputada provincial polo BNG. Foi voceira do BNG na Deputación da Coruña durante o mandato 2003-2007. A finais de 2003 foi elixida membro do Consello Nacional e da Executiva Nacional do BNG, responsabilidades que abandonou a finais de 2006 para dedicarse por completo á política municipal.

Nas eleccións municipais de 2007 preséntase por segunda vez como cabeza de lista do BNG, obtendo seis concelleiros o que fai perder a maioría absoluta ao PP. En xuño de 2007 foi elixida alcaldesa de Melide co apoio do único concelleiro do PSOE, con quen gobernou ata o final da lexislatura.


Predecesor:
Ángeles Vázquez Mejuto
Escudo de Melide A Coruña.svg
Alcaldesa de Melide

2007 - 2011
Sucesor:
Ángeles Vázquez Mejuto

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]