María Izquierdo Rojo

Na Galipedia, a Wikipedia en galego.
Saltar ata a navegación Saltar á procura
María Izquierdo Rojo
Marta Mata, María Izquierdo, Julia Sevilla, Carmen Alborch - 2006.jpg
Nome completoMaría Izquierdo Rojo
Nacemento13 de setembro de 1946
 Oviedo
NacionalidadeEspaña
Alma máterUniversidade de Oviedo
Ocupaciónpolítica, sindicalista, catedrática e filóloga
editar datos en Wikidata ]

María Izquierdo Rojo, nada en Oviedo o 13 de setembro de 1946, é unha filóloga, profesora universitaria, activista feminista e política española. Aínda que de orixe asturiana, vive en Granada dende 1973, onde desenvolveu a súa vida profesional e política. Foi deputada dende a I até a III Lexislatura e europarlamentaria durante as lexislaturas III, IV e V.

Traxectoria[editar | editar a fonte]

Doutorada en Filosofía e Letras pola Universidade de Oviedo, cunha tese sobre a narrativa de Juan Carlos Onetti coa que obtivo a cualificación cum laude e o premio fin de carreira, traballou primeiro no Colexio Universitario de Málaga e trasladouse definitivamente a vivir a Granada en 1973, onde desenvolveu a súa actividade profesional desde entón, e en cuxa Universidade é profesora titular.[1]

Traxectoria política[editar | editar a fonte]

Ingresou no Partido Socialista Obrero Español e na Federación de Traballadores do Ensino da UXT en 1973. Aínda que ocupou cargos de representación en ámbalas dúas formacións, axiña se decantou pola actividade política, salientando a súa labor á fronte da reconstrución no interior do PSOE granadino durante os últimos anos da ditadura franquista.

Nas eleccións xerais de 1977 foi elixida deputada ó Congreso pola provincia de Granada, sendo reelixida en 1979 e 1986.

Iniciado o proceso autonómico tras a Lexislatura Constituínte, compaxinou a súa labor parlamentaria coa creación da estrutura preautonómica da Xunta de Andalucía. O 27 maio de 1978, foi elixida parlamentaria pola circunscrición de Granada na Xunta Preautonómica de Andalucía, sendo Conselleira da mesma até a súa disolución en 1979.[2] Participou ademais no Relatorio do proxecto de Estatuto de Autonomía.[3]

En 1982, foi nomeada Secretaria de Estado para as Comunidades Autónomas, tempo no cal culminou a constitución de todas as Comunidades agás Ceuta e Melilla.[4] En 1989, foi elixida membro do Parlamento Europeo, integrada no Grupo Socialista, posto que ocupou até 2004.[5]

De 1979 a 1983 foi secretaria de Política Autonómica na Comisión Executiva Federal do PSOE. Foi tamén membro do Comité Federal socialista dende a legalización do partido até 1990.

No ano 2008, quedou excluída por primeira vez como delegada para os congresos nacional e rexional do PSOE a causa, segundo a propia deputada, de defender unha emenda a prol da democracia interna do partido no congreso provincial.[6]

Notas[editar | editar a fonte]

  1. "Perfil de María Izquierdo. Congreso de Diputados". Consultado o 20 de marzo de 2015. 
  2. "Parlamentarios de la Junta Preautonómica de Andalucía por Granada". Fuentes de la Autonomía de Andalucía. Consultado o 20 de marzo de 2015. 
  3. "Informe de la Ponencia y votos particulares Proyecto de Estatuto de Autonomía para Andalucía." (PDF). Boletín Oficial del Estado. 23 de xuño de 1981. Consultado o 20 de marzo de 2015. 
  4. "Probable retraso en los traspasos de competencias a las comunidades autónomas". El País. 10 de decembro de 1982. Consultado o 20 de marzo de 2015. 
  5. "Ficha de María Izquierdo en el Parlamento Europeo". Consultado o 20 de marzo de 2015. 
  6. "María Izquierdo, excluida de los congresos del PSOE al ser castigada «por ser una niña mala»". Diario Ideal. 5 de xuño de 2008. Consultado o 20 de marzo de 2015.