Manuel Fontoira Surís
| Manuel Fontoira Surís | |
|---|---|
| Nacemento | 27 de novembro de 1938 |
| Lugar de nacemento | Pontevedra |
| Falecemento | 28 de xaneiro de 2006 |
| Lugar de falecemento | Pontevedra |
| Nacionalidade | España |
| Alma máter | Universidade de Sevilla |
| Ocupación | político e médico |
| Pai | Manuel Fontoira Peón |
| Irmáns | Rafael Fontoira Surís |
| Na rede | |
 | |
| [ editar datos en Wikidata ] | |
Manuel Fontoira Surís, nado en Pontevedra o 27 de novembro de 1938 e finado na mesma cidade o 28 de xaneiro de 2006, foi un médico e político galego, da UCD.
Traxectoria[editar | editar a fonte]
Fillo dunha familia de médicos, estudou Medicina na Universidade de Santiago de Compostela, e licenciouse na Universidade de Sevilla, onde se especializou en pediatría. Continuou a súa formación en Bruxelas e en Madrid, onde traballou no Hospital Infantil La Paz. Volto xa a Galicia, en 1970 foi nomeado xefe de pediatría do Hospital Provincial de Pontevedra. En 1973 foi nomeado para o mesmo posto no Hospital Montecelo, onde traballou ata o seu falecemento. Ao mesmo tempo, e en paralelo, exerceu a docencia na facultade de Medicina de Santiago.
Participou na vida política figurando como candidato ao Senado pola provincia de Pontevedra nas primeiras eleccións xerais da democracia, cando foi escollido para a Cámara Alta en representación da UCD. Só foi senador na lexislatura constituínte, e non se presentou á reelección.
Abandonada a política regresou plenamente á vida médica, e doutorouse en 1982 pola Universidade de Santiago de Compostela cunha tese sobre a resposta evocada somatosensorial. Foi membro de honra da Asociación Española de Pediatría e da Sociedade de Pediatría de Galicia.
Obra[editar | editar a fonte]
- Exégesis de la tauromaquia para iniciar aficionados, 1997.
- El diagnóstico en pediatría clínica, 2000
- Pediatría social y puericultura en atención primaria, 2006
Vida persoal[editar | editar a fonte]
O seu pai foi o pediatra Manuel Fontoira Peón, e o seu fillo é o neurofisiólogo Manuel Fontoira Lombos.
Véxase tamén[editar | editar a fonte]
Bibliografía[editar | editar a fonte]
- Barrera, Feliciano, ed. (2002). "Fontoira Surís, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.
