Manuel Antelo
| Manuel Antelo Pazos | |
| |
| 2011 – 2019 | |
| Precedido por | Alejandro Rodríguez Lema |
| 1990 – 1992 | |
Datos persoais
| |
| Nacemento | 1 de outubro de 1965 (57 anos) Urroa, Vimianzo,  Galicia
|
| Partido | BNG (1983 - 2016)
Foro Galego (2016 - actualidade) |
| Alma máter | Universidade de Santiago de Compostela |
| Residencia | Vimianzo |
Manuel Antelo Pazos, nado en Urroa (Vimianzo) o 1 de outubro de 1965, é un profesor e político galego vinculado durante anos ao Bloque Nacionalista Galego.
Traxectoria[editar | editar a fonte]
1983 - 2016: Etapa no BNG[editar | editar a fonte]
Militou no BNG desde 1983, sendo membro de ERGA entre 1983 e 1988, da que foi o último secretario xeral. En 1988 foi un dos fundadores de Galiza Nova, a organización xuvenil do BNG, da que foi secretario portavoz entre 1990 e 1992.
Foi responsable comarcal do BNG na Costa da Morte no período de 1993 a 1995. En 1999 foi elixido concelleiro en Vimianzo e nomeado portavoz municipal. Foi membro do Consello Nacional do BNG entre 1993 e 1995 e tamén o o foi dende o ano 2002.
No verán de 2009 tomou posesión como membro do consello de administración da Corporación de Radio e Televisión de Galicia a proposta do BNG[1], consello do que sería nomeado presidente en marzo de 2011[2].
Logo das eleccións municipais de 2011 saíu elixido alcalde de Vimianzo grazas a un pacto co PSdeG-PSOE. Durante esta etapa sería, asemade, secretario de "acción municipal" do BNG[3].
Tralas municipais de 2015 obtivo a maioría absoluta e volveu ser elixido alcalde.
Dende 2016 : Abandono do BNG e integración en En Marea[editar | editar a fonte]
En abril de 2016 anunciou o seu abandono do BNG xunto co de todo o grupo municipal pasando a formar parte do grupo municipal dos non adscritos e anunciou a creación dunha nova formación política chamada Foro Galego[4].
O 30 de xullo de 2016 participou en Vigo na reunión de En Marea destinada a lanzar o proxecto cara as eleccións ao Parlamento de Galicia 2016. Do encontro saíu a coordinadora presidida polo histórico líder nacionalista Xosé Manuel Beiras e na que Antelo é un dos 11 membros.[5]
Nas eleccións municipais de 2019 perdeu a alcaldía, tras ser derrotado pola candidata do PSdeG Mónica Rodríguez Ordóñez.[6]
| Predecesor: Alejandro Rodríguez Lema |
 Alcalde de Vimianzo 2011 - 2019 |
Sucesor: Mónica Rodríguez Ordóñez |
Notas[editar | editar a fonte]
- ↑ "El edil vimiancés Manuel Antelo Pazos entra en el consejo de administración de la CRTVG". La Voz de Galicia. Consultado o 2016-08-04.
- ↑ "Un viaje al pasado a través de 66 fotografías". La Voz de Galicia. Consultado o 2016-08-04.
- ↑ "Fórum Europa" (PDF). Fórum Nueva Economía. Tribuna Galicia. Consultado o 2016-08-04.
- ↑ Manuel Antelo: “Deixamos o BNG porque non podemos ser os pepiños grilo toda a vida”
- ↑ "El alcalde de Vimianzo entra en la coordinadora de En Marea presidida por Beiras" (en castelán). 2016-07-31. Consultado o 2016-08-01.
- ↑ Concello de Vimianzo na FEGAMP