Macela dourada

Para outras páxinas con títulos homónimos véxase: Camomila.

Macela dourada
Nome taxon     Chamaemelum nobile Carlo Allioli 1785  Nome curto     C. nobile (mul)
Instancia de taxon  Categoría taxonómica especie  Basónimo Anthemis nobilis
Características  Rusticidade da planta 4  Fonte de Roman Chamomile Flower (en) chamomile flowers (en)
Conservación Especie pouco preocupante
Clasificación taxonómica
Reino Plantae  Orde Asterales  Familia Asteraceae  Tribo Anthemideae  Xénero Chamaemelum  Especie Chamaemelum nobile All., 1785 Chamaemelum nobile
Localización  Área de distribución República Popular da China Fujian
Códigos e identificadores Freebase /m/05cmcg ITIS 501396 OTT 472684 UICN 202952 CoL TKFW EOL 488414 WFO wfo-0000014359
Fontes e ligazóns  Descrito pola fonte Flora Reipublicae Popularis Sinicae, volume 76(1) (en)  Páxina(s): 9
Wikidata G:Commons C:Commons

A macela dourada ou camomila romana, Chamaemelum nobile, sin. Anthemis nobilis) é unha herba perenne da familia das asteráceas, nativa de Europa.

Descrición

A macela dourada é unha herba perenne, de talo procumbente de até 26 cm de longo, glabro ou suavemente pubescente. Forma matas mestas. Presenta follas sésiles, alternas, bi- ou tripinnatilobuladas, finamente divididas, cos folíolos lineares. En posición terminal presenta no verán unha inflorescencia en forma de capítulo paniculado. Os floros radiais son uns 20, coa lígula branca, mentres que os do disco son numerosos, hermafroditas, coa corola amarela, as puntas das anteras ovadas e o extremo do estilo trunco. A testa floral non supera 1 cm de diámetro. Os froitos son aquenios cilíndricos, de máis ou menos 1 mm de diámetro, algo maiores os radiais. A polinización realízana himenópteros, mais a planta é quen de se autopolinizar.

Uso

Flores secas de la Chamaemelum nobile.

O talo tenro e as sumidades floridas úsanse secos ou frescos en infusión, recendente e lixeiramente amarga. Confúndese moitas veces coa macela común Matricaria recutita os efectos terapéuticos asociados á macela son de carácter dixestivo, carminativo, sedante, tónico, vasodilatador e antiespasmódico. O aceite esencial emprégase en aromaterapia, e a infusión das flores aplícase ao cabelo para o delourar.

Non se recomenda o uso da macela dourada durante a gravidez xa que pode causa contraccións uterina e aborto.

Macela galega no Xardín Botánico da Universidade Karlovy en Praga, República Checa.

A macela dourada é unha planta moi común en xardinaxe.

Composición

O aceite esencial é rico en camazuleno, ácido tíglico e varios sesquiterpenos; contén ademais ácido antémico, atesterol, antemena e taninos. Pode provocar dermatite de contacto en persoas sensíbeis, e se teñen informado casos de anafilaxe entre alérxicos.

Taxonomía

Chamaemelum nobile foi descrita por (Carl von Linné) All. e publicado en Flora Pedemontana 1: 185. 1785.

Sinonimia

• Anthemis nobilis L. basónimo
• Anthemis odorata Lam.
• Chamomilla nobilis (L.) Godr.
• Matricaria nobilis (L.) Baill.
• Ormenis nobilis (L.) J.Gay ex Coss. & Germ.

Nome común

En galego recibe os nomes de macela dourada, macela galega, margacela e camomila romana.

Véxase tamén

Bibliografía

• Bryan, J.; Castle, C. (1976). Edible Ornamental Garden. Pitman. ISBN 0-273-00098-5. 
• Craker, L. E.; Simon, J. E. (1986). Herbs, Spices, and Medicinal Plants. Recent Advances in Botany, Horticulture, and Pharmacology. Food Products Press. ISBN 1-56022-043-0. 
• MedLinePlus. "Manzanilla romana" (en castelá). Consultado o 23 de marzo de 2012.