Luis Laiseka
Luis Fernando Laiseka Urrutia (Sodupe, Gueñes, 1948), coñecido como Luis Laiseka, é un coñecido político vasco de ideoloxía independentista vasca, concelleiro do Concello de Güeñes e ex secretario xeral de HB e EH, entre outros cargos.
Traxectoria[editar | editar a fonte]
Luis Laiseka naceu en Sodupe en 1948. Cando era novo, en 1968, foi detido pola Garda Civil e foi torturado[1]. Polas circunstacias sociais, decidiu involucrarse na política.
Desde mozo afiliouse a Acción Nacionalista Vasca (EAE-ANV). Foi cabeza de lista e candidato a alcalde en Güeñes nas eleccións do 28 de maio de 1995 polo partido político Herri Batasuna[2]. O partido obtivo 2 concelleiros e el exerceu de concelleiro, de líder da oposición e de Portavoz do grupo municipal Herri Batasuna no Concello de Güeñes e tamén foi o secretario xeral de Herri Batasuna en Güeñes.[3]
Nas seguintes eleccións, nas eleccións municipais do 13 de xuño de 1999, despois de que HB fose ilegalizada, Laiseka foi cabeza de lista e candidato a alcalde en Güeñes polo partido político Euskal Herritarrok, o cal volveu obter 2 concelleiros e Luís Laiseka volveu ser concelleiro, líder da oposición e Portavoz do grupo municipal EH no Concello de Güeñes e tamén foi o secretario xeral de EH en Güeñes.[4] Laiseka tamén foi candidato a juntero ás Xuntas Xerais de Biscaia.
En 2003, como o partido político Euskal Herritarrok foi disolto e o Tribunal Supremo ilegalizó os partidos políticos Herri Batasuna e Batasuna[5][6], Laiseka e outros veciños de Güeñes promoveron candidaturas populares municipais. No caso de Güeñes presentáronse baixo a candidatura Güeñesko Abertzale Sozialistak (en galego, Socialistas Nacionalistas de Güeñes), GUAS, ás eleccións municipais de España de 2003, onde se presentaron diferentes persoas independentes, entre elas, a súa filla Ziortza Laiseka Alcoceba.[7]
Laiseka tamén fundou xunto con outros a coñecida asociación cultural e recreativa de Güeñes Herriko Geltokia (en galego, a estación do pobo), a cal preside, fundando a Herriko Taberna[8][9]. En 2015 o Tribunal Supremo incluíuna nas listas de Herriko Tabernas que se deben clausurar.[10]
Está casado con Paquita Alcoceba, política e activista vasca, representante de Gure Esku Dago e unha dos fundadores de Gure Esku Dago Güeñes[11][12], e o seu cuñado é Arturo Alcoceba, coñecido xornalista e activista do País Vasco.
Notas[editar | editar a fonte]
- ↑ "Euskal Memoria:-Euskal Memoriako blogak". www.euskalmemoria.eus. Consultado o 2019-01-17.
- ↑ "Boletín Oficial de Bizkaia, eleccións municipais do 28 de maio de 1995, candidatos." (PDF).
- ↑ "Xunta Electoral Central, resultados electorais das eleccións do 28 de maio de 1995 de municipios." (PDF).
- ↑ "Xunta Electoral Central, resultados electorais das eleccións do 13 de xuño de 1999 de municipio." (PDF).
- ↑ AGENCIAS (2003-03-17). "El Supremo ilegaliza Batasuna por unanimidad". El País (en castelán). ISSN 1134-6582. Consultado o 2019-01-17.
- ↑ País, Ediciones El (2003-03-18). "El Supremo ilegaliza a Batasuna". El País (en castelán). ISSN 1134-6582. Consultado o 2019-01-17.
- ↑ "Boletín Oficial de Bizkaia, eleccións municipais do 27 de maio de 2007, candidatos." (PDF).
- ↑ "Ayuntamiento de Güeñes - Herriko Geltoki Kultur Elkartea". www.guenes.eus. Arquivado dende o orixinal o 17 de novembro de 2018. Consultado o 2019-01-17.
- ↑ "CULTURAL Y RECREATIVA HERRIKO GELTOKIA KULTUR ELKARTEA". www.euskadi.eus (en éuscaro). 2011-10-21. Consultado o 2019-01-17.
- ↑ "STS 338-2015, 2 de Junio de 2015". vLex (en castelán). Arquivado dende o orixinal o 16 de novembro de 2018. Consultado o 2019-01-17.
- ↑ "Xunta de Goberno Local do Concello de Güeñes do 9 de maio de 2016." (PDF). Arquivado dende o orixinal (PDF) o 10 de xaneiro de 2019.
- ↑ "Gobierno Vasco, Asociación Gure Esku Dago polo Dereito para Decidir.". Arquivado dende o orixinal o 10 de xaneiro de 2019.
 |
A Galipedia ten un portal sobre: País Vasco |