Luis Ferrer i Balsebre
| Biografía | |
|---|---|
| Nacemento | 8 de xaneiro de 1957  (68 anos)Madrid, España |
| Formación profesional | Licenciado e Doutor en Medicina |
| Educación | Universidade Complutense de Madrid Universidade de Massachusetts |
| Actividade | |
| Ocupación | psiquiatra, profesor universitario |
| Empregador | SERGAS, Universidade de Santiago de Compostela, Universidade da Coruña |
   | |
Luis Ferrer i Balsebre, nado o 8 de xaneiro de 1957 en Madrid, é un médico psiquiatra español, residente en Galicia.
É académico numerario da Real Academia de Medicina e Cirurxía de Galicia.[1]
Traxectoria
[editar | editar a fonte]Formación
[editar | editar a fonte]Luis Ferrer i Balsebre licenciouse e doutorouse en Medicina na Universidade Complutense de Madrid.[2]
Acreditouse como Psicodramatista e Director de Grupo pola Escola oficial de Psiquiatría da Universidade Complutense de Madrid e o Instituto de Técnicas Grupais e Psicodrama de Madrid, como Psicoterapeuta de Familia e Docente Supervisor pola Federación Española de Asociaciones de Terapia Familiar, a Asociación Española de Psicoterapeutas e a Asociación Europea de Psicoterapia, e diplomado en Terapia Familiar Sistémica pola Universidade de Massachusetts.[2]
Actividades profesionais
[editar | editar a fonte]Ferrer y Balsebre dirixiu os Servizos de Saúde Mental na Coruña (1997-2008) e en Santiago de Compostela (2008-2013).[3] Foi profesor asociado á cátedra de Psiquiatría da Universidade de Santiago de Compostela (1989-1999), e profesor asociado ao Departamento de Medicina da Universidade da Coruña (2000-2009). Foi Xefe do Servizo de Psiquiatría do Complexo Hospitalario "Juan Canalejo-Marítimo de Oza", coordinador responsábel de Saúde Mental da Área Sanitaria da Coruña e Xefe do Servizo de Psiquiatría do Complexo Hospitalario de Santiago de Compostela, así como coordinador responsábel de Saúde Mental da Área Sanitaria de Santiago de Compostela.[2]
Actividades como escritor
[editar | editar a fonte]Luis Ferrer, ademais da súa actividade profesional como psiquiatra e psicanalista, é escritor, ensaísta e articulista. Colaborou como articulista desde 2003 até 2013 no diario La Opinión. A Coruña, ano en que pasou a colaborar en La Voz de Galicia, onde continúa neste labor na actualidade.[3]
Cargos
[editar | editar a fonte]- Presidente da Asociación Galega de Saúde Mental.[2]
- Membro fundador da Asociación de Terapia Familiar e Mediación de Galicia e o seu presidente até 1993.[2]
- Bibliotecario da Real Academia de Medicina e Cirurxía de Galicia.[1]
Notas
[editar | editar a fonte]- ↑ 1,0 1,1 Junta de Gobierno Arquivado 14 de outubro de 2022 en Wayback Machine. da RAMCG.
- ↑ 2,0 2,1 2,2 2,3 2,4 Luis Ferrer i Balsebre na web da RAMCG.
- ↑ 3,0 3,1 Luis Ferrer i Balsebre en La Voz de Galicia.
- Científicos de España
- Médicos de España
- Psiquiatras de España
- Alumnos da Universidade Complutense de Madrid
- Alumnos da Universidade de Massachusetts
- Profesores da Universidade da Coruña
- Profesores da Universidade de Santiago de Compostela
- Nados en Madrid
- Nados en 1957
- Membros da Real Academia de Medicina e Cirurxía de Galicia