Lola Índigo
 (2018)  | |
| Biografía | |
|---|---|
| Nacemento | (es) Miriam Doblas Muñoz Gerardo 1 de abril de 1992 (32 anos)Granada (España) |
| Outros nomes | Lola Índigo |
| Actividade | |
| Ocupación | cantante (2017–), bailarina (2015–), artista discográfico |
| Período de actividade | 2017 - |
| Xénero artístico | Pop latino e Funk |
| Instrumento | Voz |
| Selo discográfico | Universal Music Spain |
| Premios | |
| |
| Páxina web | lolaindigomusic.com |
               | |
Miriam Doblas Muñoz, nada en Madrid o 1 de abril de 1992, popularmente coñecida como Lola Índigo,[1][2] é unha cantante e bailarina española. O seu primeiro sinxelo "Ya no quiero ná" alcanzou a certificación de dobre disco de platino en decembro de 2018.[3]
Traxectoria
[editar | editar a fonte]Inicios
[editar | editar a fonte]Miriam Doblas naceu en Madrid na primavera de 1992, pero foi criada dende pequena na localidade granadina de Huétor Tájar, de onde se sente natural.[4][5]
Comezou moi nova no mundo artístico, destacando a súa faceta como bailarina e coreógrafa. Foi profesora de baile e incluso chegou a participar nalgúns musicais. Como bailarina traballou na China e Os Ánxeles xunto a artistas de renome como Chris Brown, Miguel Bosé, Sweet California, Enrique Iglesias, Marta Sánchez e The Baseballs.[4][6]
No ano 2010 participou no talent Fama Revolution de Cuatro.[7]
2017: Paso por Operación Triunfo
[editar | editar a fonte]Coñecida inicialmente como Mimi ou Mimi Doblas, foi a primeira expulsada de Operación Triunfo 2017, concurso emitido en La 1 de Televisión Española en horario de máxima audiencia.[8]
2018-presente: primeiros lanzamentos
[editar | editar a fonte]Non foi ata despois do seu paso polo concurso musical cando conseguiu certa popularidade en España, xa co nome de Lola Índigo,[9] tras publicarse en xullo de 2018 o seu primeiro sinxelo, "Ya no quiero ná", que superou os nove millóns de reproducións en Spotify, entrou na lista dos cincuenta temas máis virais do mundo, e o videoclip acumula máis de cincuenta e un millóns de reproducións en YouTube.[10][11] O tema foi definido como unha mestura de estilo trap, feminismo e funk,[8] e ponse en escena cun corpo de baile que forma Mónica Peña, Saydi Lubanzadio, Laura Ruiz e Claudia Riera, todas elas capitaneadas por Lola Índigo e saídas do reality Fama, ¡a bailar! 2018, agás Laura Ruiz.[12]
Ese mesmo ano, formou parte do elenco de concursantes da sétima edición de Tu cara me suena, en Antena 3[13] quedando en cuarto lugar.[14]
En decembro gravou xunto ós seus compañeiros de OT 2017 Aitana, Ana Guerra, Agoney Hernández e Raoul Vázquez, e o rapeiro canario Maikel Delacalle a canción «El mundo entero» para a marca Coca Cola, xunto cun anuncio televisivo.[15]
O 14 do mesmo mes publicou «Borracha (Remix)», canción na que colaborou xunto a Juan Magán e De la Ghetto co cantante Yera.[16] Unha semana máis tarde, o 21 de decembro, lanzou o seu segundo sinxelo, titulado «Mujer bruja», acompañada da cantante Mala Rodríguez.[17]
O 22 de xaneiro de 2019 publicou o sinxelo «Fuerte».[18]
Discografía
[editar | editar a fonte]Sinxelos
[editar | editar a fonte]- 2018: «Ya no quiero ná»
- 2018: «Mujer bruja» (con Mala Rodríguez)
- 2019: «Fuerte»
Colaboracións
[editar | editar a fonte]- 2018: «Borracha RMX» (con Yera, Juan Magán e De la Ghetto)
- 2018: «El mundo entero» (con Aitana, Ana Guerra, Agoney, Raoul Vázquez e Maikel Delacalle)
Notas
[editar | editar a fonte]- ↑ vanitatis.elconfidencial.com (20 de xullo de 2018). "Lola Índigo (Mimi de 'OT 2017') conquista con 'Ya no quiero na', seu primeiro single".
- ↑ cosmopolitan.com (4 de outubro de 2018). "Lola Índigo se marca una actuación digna de los MTV en la gala 2 de 'OT' 2018".
- ↑ Añover, Antonio (2018-12-04). "Lola Índigo recibe o dobre platino por «Ya no quiero ná»" (en castelán). La Razón. Consultado o 2019-02-03.
- ↑ 4,0 4,1 rtve.es (20 de outubro de 2017). "Operación Triunfo 2017 - Mimi é concursante de OT".
- ↑ diezminutos.es (7 de novembro de 2017). "Mimi, primeira expulsada de 'OT' polo público".
- ↑ formulatv.com (2018). "Biografía de Mimi (Lola Índigo)".
- ↑ telecinco.es (25 de xullo de 2018). "Lola Índigo - Mimi triunfou no casting de Fama fai oito anos".
- ↑ 8,0 8,1 elpais.com (27 de xullo de 2018). "Lola Índigo: “No consumo cancións con mensaxe machista”".
- ↑ los40.com (2 de xullo de 2018). "Mimi de OT agora é Lola Índigo".
- ↑ ideal.es (23 de agosto de 2018). "La granadina Mimi Doblas se desliga de Operación Triunfo e lanza Lola Índigo".
- ↑ YouTube (19 de xullo de 2018). "Vídeo de Lola Índigo - Ya No Quiero Ná".
- ↑ lavanguardia.com (10 de novembro de 2018). "Lola Índigo hipnotiza Barcelona co seu delirio rítmico".
- ↑ as.com (4 de outubro de 2018). "OT 2018: A extriunfita Lola Índigo marcase o ‘numerazo’ da gala. Alfonso expulsado".
- ↑ "Final de Tu cara me suena 7: María Villalón imponse como gañadora coa súa imitación de Pasión Vega". ELMUNDO (en castelán). 2019-02-09. Consultado o 2019-02-12.
- ↑ "Los ‘triunfitos’ de 2017, protagonistas do primeiro anuncio do ano". El Mundo (en castelán). 21 de diciembre de 2018. Consultado o 23 de decembro de 2018.
- ↑ formulatv.com (10 de decembro de 2018). "El remix de "Borracha", tema coa colaboración de Lola Índigo, sae á venta o 14 de decembro". Consultado o 31 de decembro de 2018.
- ↑ elespanol.com (21 de decembro de 2018). "Así soa o novo de Lola Índigo: 'Mujer bruja'". Arquivado dende o orixinal o 31 de decembro de 2018. Consultado o 31 de decembro de 2018.
- ↑ "Fuerte, la canción de Fama de Lola Índigo: letra e vídeo". El Mundo. Consultado o 23 de xaneiro de 2019.
Véxase tamén
[editar | editar a fonte] |
A Galipedia ten un portal sobre: Música |
