Agoney
.jpg)  | |
| Biografía | |
|---|---|
| Nacemento | (es) Agoney Hernández Morales 18 de outubro de 1995 (28 anos)Adeje, España |
| Datos persoais | |
| Outros nomes | Agoney |
| País de nacionalidade | España |
| Actividade | |
| Ocupación | cantante , compositor |
| Período de actividade | 2017 - |
| Xénero artístico | Música pop e indie pop |
| Tesitura | Contratenor e soprano |
| Instrumento | Voz, piano e trompeta |
| Selo discográfico | Universal Music Group |
| Participou en | |
| 4 de febreiro de 2023 | Benidorm Fest 2023 - final (en)  (2º) |
| 31 de xaneiro de 2023 | Benidorm Fest 2023, first semi final (en) (1º) |
| Páxina web | agoneyoficial.com |
             | |
Agoney Hernández Morales, máis coñecido como Agoney, nado en Adeje (Tenerife) o 18 de outubro de 1995, é un cantante español. Deuse a coñecer grazas ao concurso de televisión Operación Triunfo 2017 de Televisión Española,[1] onde quedou na sexta posición.
Traxectoria[editar | editar a fonte]
Agoney comezou a tocar a trompeta aos 6 anos e comezou a cantar aos 14. Estudou bacharelato en artes escénicas e, antes de unirse a Operación Triunfo, foi cantante nun hotel de Tenerife. Foi sexto en Operación Triunfo e foi o último expulsado da edición, pero puido optar por representar a España no Festival de Eurovisión, grazas á canción "Magia", que cantou a dúo con Miriam Rodríguez Gallego. Ao final, non foi elixido para representar a España. A pesar diso, tivo moito éxito no seu país.[2]
Despois de deixar o programa, Agoney converteuse nunha icona da comunidade LGBT, de feito foi un dos pregoeiros do Festival do Orgullo LGBT en Madrid 2018.[3] Entre outubro e decembro de 2018, fixo a súa primeira xira en solitario. A xira comezou o 11 de outubro de 2018 na súa cidade natal, Adeje, e visitou as principais cidades españolas como Madrid, Valencia, Barcelona ou Zaragoza.
En novembro de 2019, Agoney fixo a súa primeira xira musical fóra de España, visitando Arxentina.[4] En agosto de 2020 publicouse o disco debut Libertad, que se situou como o álbum máis escoitado en España.[5]
O 26 de outubro de 2022 deuse a coñecer a súa participación no Benidorm Fest 2023, acto celebrado para seleccionar a candidatura representativa de España no Festival de Eurovisión dese ano.[6] O 19 de decembro, Agoney publicou nas súas redes sociais a canción "Quiero arder", a súa candidatura ao Benidorm Fest 2023,[7] comezando como o gran favorito do público.[8] Finalmente Agoney foi segundo na clasificación cun total de 145 puntos.
Discografía[editar | editar a fonte]
Discos[editar | editar a fonte]
- Libertad (2020)
- Libertad Tour (2022)
Sinxelos[editar | editar a fonte]
- «Quizás» (2018)
- «Black» (2019)
- «Libertad» (preludio, 2020)
- «Más» (2020)
- «Edén» (2020)
- «Soy Fuego» (2021)
- «¿Quién Pide Al Cielo Por Ti?» (2021)
- «Bangover» (2022)
- «Cachito» (2022)
- «Quiero arder» (2022)
- «Intacto» (2023)
Colaboracións[editar | editar a fonte]
- «El mundo entero» (2018; con Aitana, Ana Guerra, Raoul Vázquez e Maikel Delacalle)
- «Strangers» (2020; con Brian Cross)
- «Sin miedo 2020» (2020; con Rosana, Álex Ubago, Efecto Pasillo, Mónica Naranjo, Rosario Flores, Soledad Pastorutti etc)
- «Piensa en positivo» (2020; con Ana Mena, Vega, Rafa Sánchez etc)
Notas[editar | editar a fonte]
- ↑ "Agoney Hernández". Formula TV (en castelán). Noxvo. Consultado o 5 de outubro de 2018.
- ↑ Agoney desplaza a Anuel AA del número 1 en España con su debut discográfico La Vanguardia.
- ↑ Los Javis, Agoney y Marina (OT) y el waterpolista Víctor Gutiérrez serán los pregoneros del Orgullo 2018 El Periódico.
- ↑ "Agoney visita por primera vez Argentina". elmarplatense.com. El Mar Platense. Consultado o 1 de novembro de 2019.
- ↑ "Top 100 Albums Weekly". EPDM. Promusicae. Consultado o 8 de setembro de 2020.
- ↑ "Agoney, Alfred García, Meler y Alice Wonder, entre los aspirantes para el 'Benidorm Fest 2023'". Diario de Navarra. Consultado o 26 de outubro de 2022.
- ↑ "Agoney estrena «Quiero Arder», su explosiva propuesta para el Benidorm Fest 2023". Moobys. Consultado o 19 de decembro de 2022.
- ↑ "Agoney y Fusa Nocta, primeros favoritos en las encuestas del Benidorm Fest tras publicarse las canciones". El Independiente. Consultado o 20 de decembro de 2022.
