O chicomucelteco (tamén chamado chikomuselteko ou chicomuselteco; arcaicamente, cotoque) é unha lingua maia extinta, antigamente falada na rexión definida polos concellos de Chicomuselo, Mazapa de Madero e Amatenango de la Frontera, no estado de Chiapas, México, así como nas áreas veciñas de Guatemala. Nas décadas de 1970 e 1980 converteuse nunha lingua morta, sen falantes nativos vivos.[1] As comunidades chicomuceltecas actuais, que roldan as 1500 persoas en México e 100 en Guatemala[2] falan castelán.
O chicomucelteca foi antigamente chamado cakchiquel mam, malia que non está tan relacionado co kaqchikel ou o mam, senón co huasteca.
