Liga Mexicana de Béisbol

Na Galipedia, a Wikipedia en galego.
Saltar ata a navegación Saltar á procura

A Liga Mexicana de Béisbol, ou LMB, é o principal campionato de liga de béisbol profesional que se disputa en México. Trátase dunha liga de verán, a diferenza doutras ligas de béisbol mexicanas menos importantes que discorren durante os meses de outono e inverno (como a Liga Mexicana do Pacífico, ou LMP). Así pois, a LMB comeza cada ano en marzo e remata en agosto cos play offs.

Polo número de espectadores que enchen os estadios, a LMB é a cuarta liga de béisbol máis importante do mundo, despois da MLB norteamericana, da NPB xaponesa e da KBO surcoreana.

Liga menor[editar | editar a fonte]

Foro Sol, en Cidade de México, fogar dos Diablos Rojos.

A Liga Mexicana de Béisbol naceu no ano 1925 e dende 1955 forma parte do béisbol organizado norteamericano. A LMB é unha minor league de nivel AAA, o que quere dicir que ten a máxima categoría dentro da estrutura das ligas menores da MLB norteamericana. As ligas menores son torneos asociados á MLB nas que os equipos traballan cos seus xogadores, con promesas saídas do sistema deportivo universitario norteamericano e con outros xogadores que os equipos da MLB queren poñer a proba. Moitos equipos da Liga Mexicana de Béisbol teñen acordos asinados en exclusiva con equipos da Major League Baseball para a cesión de xogadores. A Liga Mexicana de Béisbol ten a particularidade de ser a única competición pertencente ó béisbol organizado norteamericano que está enteiramente fóra dos Estados Unidos.

Formato[editar | editar a fonte]

O campionato 2011 xogouse a 40 series, 24 fronte a rivais da mesma zona (catro fronte a cada equipo, dous como local e dous como visitante), e 14 fronte a rivais da outra zona (dous fronte a cada equipo, un como local e un como visitante). Os primeiros 90 encontros se xogáronse en series de tres (30 series), mentres que as series restantes se xogaron a dous partidos (10 series). En total cada equipo xogou 110 encontros. No medio da tempada regular, a finais de maio, xogouse un "encontro das estrelas".

Ó remate da tempada regular, os catro mellores equipos de cada zona xogaron os play offs. Primeiro o primeiro de cada zona fronte ó cuarto, e o segundo fronte ó terceiro, en eliminatorias ó mellor de sete encontros. Despois os gañadores de cada eliminatoria enfrontáronse entre si nas series do campionato ó mellor de sete encontros. Os equipos campións de cada zona (Norte e Sur) enfrontáronse por último nas series finais, tamén ó mellor de sete encontros, e o gañador foi o Campión da Liga Mexicana de Béisbol. Nas Series Finais ten vantaxe de campo o equipo pertencente á zona que gaña no "encontro das estrelas".

Equipos[editar | editar a fonte]

O torneo estivo composto na tempada 2011 por 14 equipos, dous menos do habitual (por razóns económicas), divididos en dúas zonas: Norte e Sur.

Mexico location map.svg

Localización dos equipos:

Green pog.svgZona Norte

Red pog.svgZona Sur
VaquerosGreen pog.svg
Green pog.svg
Sultanes
AcererosGreen pog.svg
Green pog.svgBroncos
Green pog.svg
Saraperos
Diablos
Green pog.svg
Green pog.svg
Pericos
Red pog.svg
Guerreros
Red pog.svg
Petroleros
Red pog.svgOlmecas
Red pog.svgRojos
Red pog.svgPiratas
LeonesRed pog.svg
Tigres
Red pog.svg
Zona Equipo Cidade Estadio Capacidade
Norte · Acereros de Monclova Monclova, Coahuila Estadio Monclova 9.000
· Broncos de Reynosa Reynosa, Tamaulipas Estadio Adolfo López Mateos 7.000
· Diablos Rojos del México Cidade de México Foro Sol 26.000
· Pericos de Puebla Puebla, Puebla Estadio Hermanos Serdán 12.112
· Saraperos de Saltillo Saltillo, Coahuila Estadio Francisco I. Madero 16.000
· Sultanes de Monterrey Monterrey, Nuevo León Estadio de Béisbol Monterrey 27.000
· Vaqueros Laguna Torreón, Coahuila Estadio Revolución 12.000
Sur · Guerreros de Oaxaca Oaxaca, Oaxaca Estadio Lic. Eduardo Vasconcelos 7.200
· Leones de Yucatán Mérida, Yucatán Estadio Kukulcán 13.600
· Olmecas de Tabasco Villahermosa, Tabasco Parque Centenario 27 de Febrero 10.500
· Petroleros de Minatitlán Minatitlán, Veracruz Parque 18 de marzo de 1938 7.500
· Piratas de Campeche Campeche, Campeche Estadio Nelson Barrera Romellón 6.000
· Rojos del Águila de Veracruz Veracruz, Veracruz Estadio Universitario Beto Ávila 7.782
· Tigres de Quintana Roo Cancún, Quintana Roo Estadio Beto Ávila 9.000

Campións[editar | editar a fonte]

Os equipos máis dominadores da historia da LMB son os Diablos Rojos del México, os Tigres de Quintana Roo e os Sultanes de Monterrey, con 15, 10 e 9 títulos respectivamente.

Equipos Campionatos Subcampionatos Tempadas campión Tempadas subcampión
Diablos Rojos 15 17 1956, 1964, 1968, 1973, 1974, 1976, 1981, 1985, 1987, 1988, 1994, 1999, 2002, 2003, 2008 1940, 1941, 1946, 1947, 1957, 1958, 1963, 1966, 1970, 1977, 1991, 1995, 1996, 1997, 2000, 2001, 2011
Tigres 10 6 1955, 1960, 1965, 1966, 1992, 1997, 2000, 2001, 2005, 2011 1956, 1982, 1999, 2002, 2003, 2009
Sultanes 9 6 1943, 1947, 1948, 1949, 1962, 1991, 1995, 1996, 2007 1953, 1969, 1986, 1994, 2006, 2008
Rojos del Aguila 5 4 1937, 1938, 1952, 1961, 1970 1939, 1960, 1962, 1968
Pericos 4 5 1925, 1963, 1979, 1986 1948, 1961, 1964, 1965, 2010
Saraperos 3 6 1980, 2009, 2010 1971, 1972, 1973, 1988, 2004, 2005
Leones 3 3 1957, 1984, 2006 1954, 1989, 2007
Piratas 2 0 1983, 2004 -
Broncos 1 2 1969 1967, 1981
Olmecas 1 0 1993 -
Guerreros 1 0 1998 -
Acereros 0 1 - 1998
Petroleros 0 0 - -
Vaqueros 0 0 - -
Estadio dos Sultanes de Monterrey.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]