Le Perthus

Le Perthus

Localización
42°27′51″N 2°51′46″L
Estado	Francia
Divisións administrativas	Francia Metropolitana
Rexións	Occitania
Departamento	Pireneos Orientais
Comarca histórica da Cataluña	Vallespir
Poboación
Poboación	565 (2022) (132,32 hab./km²)
Xeografía
Superficie	4,27 km²
Altitude	196 m-647 m-331 m
Comparte fronteira con	La Jonquera Maureillas-las-Illas L'Albère Les Cluses
Datos históricos
Evento clave 23 de maio de 1793 Siege of Bellegarde (en)
Organización política
• Alcalde	Thierry Thadee (en) (2018–)
Identificador descritivo
Código postal	66480
Fuso horario	UTC+01:00, horario estándar UTC+02:00, horario de verán
Sitio web	le-perthus.com

Le Perthus (en catalán: El Pertús) é unha comuna francesa situada no departamento dos Pireneos Orientais, na rexión do Languedoc-Rosellón. Pertence ao distrito de Céret e ao cantón homónimo e tiña 586 habitantes en 2008.

Atópase na fronteira con España. A estrada Route nationale 9 divide a localidade en dúas metades: a parte norte e oeste forman parte de Francia e a parte leste e sur recibe o nome de Els Límits e pertence ao concello español de La Jonquera, na provincia de Xirona.

Xeografía

O paso de Le Perthus (en francés: Col du Perthus, en catalán: Coll de Panissars) é o máis baixo dos Pireneos orientais. Isto explica por que a Route nationale 9 e a Autoroute A9 atravesan a devandita cadea montañosa por aquí. Tamén o fai, a través dun túnel, a liña de alta velocidade Figueres-Perpiñán, tramo da liña que une Barcelona e París.

Aínda que o pobo está situado ao sur do paso, está compartido entre España e Francia, co fin de que esta última garde a soberanía do forte de Bellegarde, que controlaba o paso entre os dous países.

A comuna de Le Perhus limita con Maureillas-las-Illas, L'Albère, Les Cluses e La Jonquera.

Historia

Ao principio, a localidade estaba composta de casetas aduaneiras. Foi o escenario dun éxodo masivo de refuxiados no ano 1939, con motivo da Guerra civil española, éxodo que finalizou cando as tropas franquistas lograron a posición o 9 de febreiro. Dende os anos 50, é un dos puntos de pasos máis importantes entre Francia e España e tamén un inmenso núcleo comercial, análogo ao situado en Els Límits (La Jonquera), ao outro lado da fronteira.

Véxase tamén

Ligazóns externas

• Le Perthus no sitio do Institut géographique nationalArquivado 17 de xullo de 2007 en Archive.is (en francés)
• Le Perthus no sitio do Insee (en francés)