L'Hôpital-Saint-Blaise

Na Galipedia, a Wikipedia en galego.
Saltar ata a navegación Saltar á procura

L'Hôpital-Saint-Blaise en francés, Ospitalepea en éuscaro, é unha localidade e comuna francesa situada no departamento de Pireneos Atlánticos, na rexión de Aquitania e no territorio histórico vascofrancés de Soa.

A comuna é atravesada polo Aucet, afluente do gave d'Oloron.

Historia[editar | editar a fonte]

L'Hôpital Saint-Blaise debe o seu nome a Ospital co significado de "casa grande", fundada a partir dun establecemento da orde dos cabaleiros hospitalarios que servía no Camiño de Santiago. Os cóengos da abadía de Sainte-Christine no alto de Somport construíron a mediados do século XII un "hospital da misericordia" do cal sobreviviu a igrexa clasificada Patrimonio Unesco da Humanidade xunto con outros monumentos de segmentos do Camiño francés.

A igrexa de Saint-Blaise[editar | editar a fonte]

Construída en pedra ocre, a igrexa de Saint-Blaise é un edificio relixioso declarado monumento histórico en 1888, que presenta unha mestura dos estilos arquitectónicos da Arte románica navarra e da arte hispanomusulmana.

Conservada desde o século XII, no edificio destacan as súas profundas ventás adornadas con esculturas, os seus arcos polilobulados e a súa cúpula octogonal que, soportada por columnas entrelazadas, recorda na súa xeometría á columnata da Mesquita de Córdoba.

Ligazóns externas[editar | editar a fonte]