Koovee (hóckey sobre xeo)

Na Galipedia, a Wikipedia en galego.
(Redirección desde «Koo-Vee (hóckey sobre xeo)»)
Koovee
Fundación1929
Cidade Tampere,
Pirkanmaa
Finlandia Finlandia
EstadioHakametsä 2 (1 000 espectadores)
Tampereen jäähalli (7 300 espectadores)
LigaMestis
AdestradorFinlandia Pauli Järvinen
CoresAmarelo, negro e vermello
                 
Na rede
https://www.tampereenkoovee.fi/

O Koovee é un equipo de hóckey sobre xeo da localidade de Tampere (Finlandia). Actualmente compite na Mestis, a segunda categoría do hóckey sobre xeo finés, aínda que chegou a xogar na máxima categoría. Xoga os seus partidos como local no Hakametsä 2, un pavillón con capacidade para 1 050 espectadores.

Durante moitas tempadas xogou na máxima categoría do hóckey sobre xeo finés, primeiro na SM-sarja e posteriormente na SM-liiga, na que permaneceu ata o seu descenso na tempada 1979-80. Os seus mellores resultados tiveron lugar na década de 1960, cando conseguiu o título da SM-sarja (máxima categoría do hóckey sobre xeo finlandés na época) en 1968, tres medallas de prata (1959, 1962 e 1964) e dúas de bronce (1960 e 1961), conseguindo unha medalla de bronce máis na SM-liiga (máxima categoría) en 1977.

Historia[editar | editar a fonte]

Matti Reunamäki recollendo a Kanada-malja, trofeo entregado ao equipo campión de Finlandia, en 1968.

O club foi fundado en 1929 como club multidisciplinar, e non foi ata 1944 cando as actividades do equipo mudaron do bandy ao hóckey sobre xeo. No primeiro ano do equipo na nova modalidade a súa actividade centrouse no adestramento, e non foi ata o 8 de marzo de 1945 cando o equipo disputou o seu primeiro partido oficial de hóckey sobre xeo, ùn encontro da liga local fronte o TBK, que rematou con vitoria do TBK por tres goles a un. O primeiro gol, e único no encontro, do equipo foi obra de Pekka Tuominen.[1][2]

Cinco anos despois do seu primeiro partido, o equipo de hóckey sobre xeo conseguiu o ascenso á máxima categoría do hóckey sobre xeo finés, a SM-sarja, na que debutou na tempada 1950–51. Este feito fixo que a modalidade se popularizara no club [3] O campionato finlandés estaba daquela organizado en dous grupos, quedando o TK-V enquadrado no grupo B xunto co Tarmo de Hämeenlinna, o TBK de Tampere, o Karhu-Kissat e o KIF, estes dous de Helsinqui. O equipo tan só puido sumar un empate e unha vitoria nos oito partidos que disputou e finalizou como pechacancelas do seu grupo, o que motivou o seu descenso de categoría.[4]

Logo de dúas tempadas afastado da máxima categoría, o TK-V regresou á elite do hóckey sobre xeo finlandés na tempada 1953–54, desta volta encadrado no grupo A. Desta vez o equipo de Tampere conseguiu catro vitorias e outras tantas derrotas para un total de oito puntos que o situaron na terceira posición do seu grupo, manténdose deste xeito unha tempada máis na máxima categoría.[5] A tempada seguinte o equipo mellorou os seus resultados, o que lle permitiu escalar ata a segunda posición do seu grupo cun rexistro de cinco vitorias, un empate e dúas derrotas. TK-V xogou a eliminatoria pola medalla de bronce fronte ao HIFK de Helsinqui, mais caeu en ambos encontros (5-4 e 3-9).[6]

O maior logro do equipo foi o campionato da SM-sarja conseguido en 1968. Ao final da tempada 1976-77 da máxima categoría do hóckey sobre xeo finlandés, o KooVee conseguiu a súa derradeira medalla do campionato finlandés.[7]

Na tempada 2006-07 xogou na segunda categoría, a Mestis, descendendo esa mesma tempada á Suomi-sarja.

En 2015 o club converteuse en osakeyhtiö (abreviado Oy, sociedade por accións), pasando a denominarse Koovee Hockey Oy.[8]

Na tempada 2017-18 o Koovee finalizou a liga regular da Suomi-sarja na sexta posición, clasificándose deste xeito de forma directa para os play-offs.[9] Na primeira rolda o equipo de Tampere enfrontouse ao terceiro clasificado da liga regular, o FPS de Forssa, ao que derrotou 1-3. Na segunda rolda conseguiu eliminar ao segundo clasificado da liga regular, o Pyry de Nokia en tres partidos (3-0),[10] pasando deste xeito a disputar a promoción á Mestis fronte ao Hermes de Kokkola, penúltimo clasificado de dita competición,[11] caendo en cinco partidos a pesar da vitoria inicial na súa visita ao Kokkolan jäähalli.[12] A pesar da derrota, debido á quebra financeira do Espoo United e á negativa do JHT de Kalajoki a ocupar o lugar do equipo de Espoo, este foi ocupado por Koovee.[13]

Identidade do equipo[editar | editar a fonte]

Nome[editar | editar a fonte]

O equipo foi fundado co nome Tampereen Kilpa-Veljet, e abreviado como TK-V.[2] En finés o nome da letra "K" dise koo e o da "V" vee, o nome actual do equipo viría da pronunciación do nome do equipo abreviado e sen o nome da cidade.

Pavillón[editar | editar a fonte]

O Koovee xogou no mítico estadio de Hakametsä dende a spa inauguración en 1965 ata pouco despois do seu descenso da máxima categoría. Dende o seu ascenso á segunda categoría do hóckey sobre xeo finlandés xoga os seus partidos como local no Hakametsä 2, un pavillón con capacidade para 1 050 persoas e inaugurado en 1974,[14] localizado nas proximidades do estadio de Hakametsä, con capacidade para 7 300 persoas, que foi a casa do equipo e no que continúa a xogar na tempada 2020-21.[15]

A maior entrada rexistrada nun partido como local do Koovee en Hakametsä tivo lugar o 9 de febreiro de 1969, cando 9 951 persoas presenciaron o encontro que o enfrontou ao HIFK de Helsinqui. Pola súa banda, o seu mellor rexistro de asistencia nun partido disputado no estadio de Hakametsä 2 foi o 3 de marzo de 1988 durante un partido fronte ao IkVi de Tampere ante 949 persoas.[8]

Pavillóns empregados por Koovee
Imaxe Nome Primeira tempada Derradeira tempada Capacidade[a] Outros usos
Tampereen jäähalli 1965
1988
1994
2018
1983
1990
1997
en uso (ocasional)
7 595[16] Ilves (1965-)
Tappara (1965-)
Hakametsä 2 1984
1990
1997
1988
1994
en uso
1 050

Personalidades[editar | editar a fonte]

Xogadores[editar | editar a fonte]

Capitáns[editar | editar a fonte]

O primeiro capitán do equipo foi Matti Reunamäki, quen ocupou o posto entre 1967 e 1968. A continuación todos os capitáns do equipo:[17]

Capitáns (1967-1997)
Nome(s) Período
Matti Reunamäki 1967-68
Kari Viitalahti 1975-77
Kari Viitalahti
Matti Rautiainen
1977-78
Matti Rautiainen 1978-80
Jari Nieminen 1988-90
Pertti Vuorinen 1990-91
Jarno Suokko
Petri Sullanmaa
1994-95
Jarno Suokko 1995-96
Jari Kanervisto 1996-97
Tomi Tieranta 2003-04
Henri Virta 2005-06
Matti Hietakangas
Henri Virta
2006-07
Capitáns (2007-)
Nome(s) Período
Tero Kalela 2007-09
Raine Hartus 2009-10
Tero Kalela 2011-15
Mikko Sulonen 2015-17
Jonne Riekko 2017-18
Ville Lehtonen 2018-19
Mikko Pukka
Anton Ollikainen
2019-20
Jesper-Juhani Ilvessuo 2020-21
Jeremi Wehmas 2021-23

Números retirados[editar | editar a fonte]

O KOOVEE retirou o número 10 en honor a Heino Pulli.

O KOOVEE ten retirado un único número ao longo da súa historia:[17]

Números retirados do KOOVEE
Xogador Posición Carreira Data da retirada Referencias
10 Heino Pulli D

Adestradores[editar | editar a fonte]

Dende o seu debut na modalidade en 1945 pasaron polo KOOVEE un bo número de adestradores. O primeiro adestrador do equipo foi Usko Teromaa, que ocupou o posto entre 1945 e 1956. Pola súa parte, o sueco Bengt Lindqvist foi o primeiro adestrador estranxeiro do Koovee. A continuación todos os adestradores do equipo:[17]:[17]

Adestradores (1945-1996)
Nome Período
Usko Teromaa 1945-56
Olavi Santanen 1956-57
Anssi Koskinen
Pauli Palanto
1957-61
Matti Leppälä 1961-63
Reino Rautanen 1963-65
Bengt Lindqvist 1965-67
Esko Niemi 1967-69
Seppo Nikkilä
Matti Reunamäki
1969-71
Matti Reunamäki
Heino Pulli
1971-72
Vladimir Jursinov 1972-74
Esko Rantanen 1974-75
Tapio Kauppinen 1975-76
Kaj Matalamäki 1976-79
Pekka Uitus 1979-80
Erkki Suokko 1980-82
Esko Niemi 1982-83
Risto Laine 1984-88
Esko Rantanen 1988-89
Esko Rantanen
Risto Laine
1989-90
Jarmo Nurmi 1990-1992
Ilpo Myllyniemi 1992-1996
Adestradores (1996-)
Nome(s) Período
Ari Jortikka 1996-2000
Jari Lehtivuori 2000-01
Arto Nurmi 2001-02
Kimmo Koivisto 2002-05
Ari Jortikka 2005-07
Jyrki Rantala 2007-08
Tommi Manner 2008-09
Jyrki Rantala 2009-12
Pauli Järvinen
Jyrki Rantala
Pasi Silanne
2012-13
Marko Keskinen 2013-15
Samuli Simula 2015-16
Jyrki Rantala 2016-18
Juha Pajuoja 2018-19
Miikka Kuusela 2019-20
Juuso Hahl 2020-21
Vesa Viitakoski 2021-22
Miikka Kuusela 2022-

Suomen Jääkiekkoleijonat[editar | editar a fonte]

Dende que se creou o "Salón da Fama" do hóckey sobre xeo finlandés en 1985 (os denominados Suomen Jääkiekkoleijonista ou Leóns do Hóckey sobre Xeo Finlandés en galego), 49 xogadores que defenderon a camisola de Ilves foron introducidos:[17]

Suomen Jääkiekkoleijonat (Leóns do Hóckey Finlandés)
# Nome(s) Ano de introdución Período(s) Referencia(s)
33 Heino Pulli 1985 [18]
45 Seppo Nikkilä 1986 [19]
47 Jorma Suokko 1986 [20]
48 Matti Reunamäki 1986 [18]
203 Matti Rautiainen 2009 [18]
83 Usko Teromaa 1992 [20]
191 Anssi Koskinen 2007 [21]

Palmarés[editar | editar a fonte]

Trofeos colectivos[editar | editar a fonte]

O Koovee gravou o seu nome na Kanada-malja como campión de Finlandia en 1968.
SM-liiga/SM-sarja
  • A Kanada-malja (Copa Canadá) é entregada anualmente ao equipo vencedor dos play-offs e campión da SM-liiga. É o trofeo principal da SM-liiga. O trofeo foi doado pola comunidade finlandesa do Canadá en 1950. Koovee proclamouse campión de Finlandia nunha única ocasión cando o campionato aínda era denominado SM-sarja: 1968.[22]
    • 3 medallas de prata como subcampión de Finlandia: 1959, 1962 e 1964.[17]
    • 3 medallas de bronce como terceiro clasificado do campionato finlandés: 1960, 1961 e 1977.[17]
Suomen Cup

Trofeos individuais[editar | editar a fonte]

Liiga/SM-sarja
Mestis

Notas[editar | editar a fonte]

  1. A capacidade dos pavillóns que se indica corresponde ao número de espectadores en competicións de hóckey sobre xeo.
Referencias
  1. Hirvonen, Ville (1 de xuño de 2018). "Espoon Unitedille korvaaja Mestikseen Tampereelta – plakkarissa myös SM-kulta 1968". Helsingin Uutiset (en finés). Consultado o 18 de decembro de 2020. 
  2. 2,0 2,1 Lahti, Janne. "Tampereen Kilpa-Veljet (TK-V)" (en finés). Koskesta voimaa. Arquivado dende o orixinal o 28 de maio de 2023. Consultado o 1 de maio de 2023. 
  3. "Historia. Vuonna 2019 pyöreitä täyteen, 90 vuotta!" (en finés). Koovee. Consultado o 19 de decembro de 2020. 
  4. "Championnat de Finlande 1950/51" (en francés). passionhockey.com. Consultado o 19 de decembro de 2020. 
  5. "Championnat de Finlande 1953/54" (en francés). passionhockey.com. Consultado o 19 de decembro de 2020. 
  6. "Championnat de Finlande 1954/55" (en francés). passionhockey.com. Consultado o 19 de decembro de 2020. 
  7. Seppänen, Antti (26 de outubro de 2016). "Perinnesarja, osa 4: Tapparan marssi mestariksi 1977" (en finés). Liiga.fi. Consultado o 30 de marzo de 2020. 
  8. 8,0 8,1 "Mestisjoukkueet 2020-2021". Jääkiekko kirja 2021 (en finés). Suomen Jääkiekkoliitto e Jääkiekkon SM-liiga Oy. p. 194. ISSN 0784-3321. 
  9. "Clasificación da Suomi-sarja 2017-18" (en finés). Suomen Jääkiekkoliitto. Consultado o 14 de decembro de 2020. 
  10. "Play-offs da Suomi-sarja 2017-18" (en finés). Suomen Jääkiekkoliitto. Consultado o 14 de decembro de 2020. 
  11. "Clasificación da Mestis 2017-18" (en finés). Suomen Jääkiekkoliitto. Consultado o 14 de decembro de 2020. 
  12. "Promoción á Mestis 2017-18" (en finés). Suomen Jääkiekkoliitto. Consultado o 14 de decembro de 2020. 
  13. "Información da sección de hóckey sobre xeo no sitio web do club polideportivo Koovee" (en finés). koovee.fi. Consultado o 14 de decembro de 2020. 
  14. "Jäähallit" (en finés). Cidade de Tampere. Consultado o 13 de decembro de 2020. 
  15. "Koovee" (en finés). Mestis. Consultado o 13 de decembro de 2020. 
  16. "TAMPERE ICE STADIUM (HAKAMETSÄ ICE STADIUM)" (en inglés). visittampere.fi. Arquivado dende o orixinal o 17 de febreiro de 2020. Consultado o 17 de febreiro de 2020. 
  17. 17,0 17,1 17,2 17,3 17,4 17,5 17,6 17,7 "SUOMALAISTA JÄÄKIEKKOHISTORIAA" (en finés). Koovee Hockey Oy. Consultado o 13 de decembro de 2020. 
  18. 18,0 18,1 18,2 "JÄÄKIEKKOLEIJONAT (P-R)" (en finés). Suomen Jääkiekkoleijonat. Consultado o 19 de decembro de 2022. 
  19. "JÄÄKIEKKOLEIJONAT (M-O)" (en finés). Suomen Jääkiekkoleijonat. Consultado o 19 de decembro de 2022. 
  20. 20,0 20,1 "JÄÄKIEKKOLEIJONAT (S-U)" (en finés). Suomen Jääkiekkoleijonat. Consultado o 19 de decembro de 2022. 
  21. "JÄÄKIEKKOLEIJONAT (J-L)" (en finés). Suomen Jääkiekkoleijonat. Consultado o 19 de decembro de 2022. 
  22. 22,0 22,1 "Palkinnot" (en finés). Liiga.fi. Consultado o 13 de decembro de 2020. 
  23. "Pasi Nurminen -palkinto: Eetu Mäkiniemi". Mestis (en finés). 24 de marzo de 2020. Consultado o 14 de decembro de 2020. 

Véxase tamén[editar | editar a fonte]

Ligazóns externas[editar | editar a fonte]