Kathleen Lonsdale

Kathleen Lonsdale
	; (2009)
Biografía
Nacemento	(en) Kathleen Yardley ; 28 de xaneiro de 1903 ; Newbridge, Irlanda (pt)
Morte	1 de abril de 1971 (68 anos); Londres, Reino Unido
Causa da morte	cancro
Educación	University College de Londres ; Ilford County High School (en) ; Woodford County High School (en) ; Bedford College (en) ; Royal Holloway University of London
Director de tese	William Henry Bragg
Actividade
Campo de traballo	Cristalografía
Ocupación	química, enxeñeira, cristalógrafa, activista pola paz
Empregador	University College de Londres ; Royal Institution (pt) ; Universidade de Leeds
Membro de	Royal Society (1945–); Atomic Scientists Association (en) ; Women's Engineering Society
Obra
Doutorando	Mike Glazer (en)
Arquivos en	University College de Londres ;
Premios
	(1969) honorary doctor of the University of Bath (en) ; (1957) Medalla Davy; (1956) Dama comandante da Orde do Imperio británico; (1945) membro da Royal Society; Swarthmore Lecture (en) ;
Descrito pola fonte	There ain't nothing like a Dame: a commentary on Lonsdale (1947) 'Divergent beam X-ray photography of crystals' (en) ; Obálky knih, ; A Historical Dictionary of British Women, (p.283)

Kathleen Lonsdale, nada Kathleen Yardley, nada en Newbridge, no condado de Kildare ( Irlanda ) o 28 de xaneiro de 1903 e finada o 1 de abril de 1971, foi unha cristalógrafa británica de orixe irlandesa que estableceu a estrutura do benceno por métodos de difracción de raios X en 1929,^[1] e do hexaclorobenceno por métodos espectrais de Fourier en 1931.

Foi a primeira muller elixida membro da Royal Society, a primeira muller profesora titular da University College de Londres, a primeira muller presidenta da Unión Internacional de Cristalografía e a primeira muller presidenta da Asociación Británica para o Avance da Ciencia.^[2]

Traxectoria

Kathleen Lonsdale era a décima filla de Harry Yardley, o xefe de correos da cidade, e de Cameron Jessie. A súa familia trasladouse a Inglaterra cando ela tiña cinco anos. Primeiro foi á escola do condado de Woodford só para nenas. Debido a que Kathleen interesouse polas matemáticas e as ciencias, tivo que ir á Ilford County High School, un colexio masculino.

Obtivo a súa licenciatura no Bedford College for Women en 1922 e licenciouse en física pola University College de Londres en 1924.^[3] Despois uniuse ao equipo de investigación de cristalografía dirixido por William Henry Bragg na Royal Institution. En 1927 casou con Thomas Jackson Lonsdale co que tivo tres fillos - Jane, Nancy e Stephen - este último foi médico e traballou durante varios anos en Malaui .

Aínda que se criaron como bautistas, tanto ela como o seu marido adoptaron o credo cuáquero en 1935, sendo ambos pacifistas comprometidos.^[4] Pasou un mes na prisión de Holloway durante a segunda guerra mundial por negarse a rexistrarse para as tarefas de protección civil ou pagar unha multa por negarse a rexistrarse. Na reunión anual dos cuáqueros británicos en 1953, pronunciou o discurso principal Eliminando as causas da guerra .

Despois dun período dedicado a criar aos seus fillos, Kathleen Lonsdale volveu traballar a finais da década de 1930 na Universidade de Leeds. Tamén volveu traballar con Bragg na Royal Institution en 1934. Ademais de descubrir a estrutura do benceno e do hexaclorobenceno, Lonsdale tamén traballou na síntese de diamantes . Fixo un uso pioneiro dos raios X para estudar os cristais. Lonsdale converteuse nunha das dúas primeiras mulleres membros da Royal Society en 1945,^[5] sendo a outra a bioquímica Marjory Stephenson.

En 1949, Lonsdale foi profesora titular de Química e xefa do Departamento de Cristalografía da University College de Londres . Foi a primeira profesora da universidade e ocupou o cargo ata 1968, cando foi nomeada profesora emérita.

Notas

↑ Lonsdale, Kathleen :; Whiddington, Richard (1929-04-06). "The structure of the benzene ring in C6 (CH3)6". Proceedings of the Royal Society of London. Series A, Containing Papers of a Mathematical and Physical Character 123 (792): 494–515. doi:10.1098/rspa.1929.0081.
↑ "Kathleen Lonsdale | Encyclopedia.com". www.encyclopedia.com. Consultado o 2021-12-19.
↑ Authier, André (2013-08-02). Early Days of X-ray Crystallography (en inglés). OUP Oxford. ISBN 978-0-19-163501-4.
↑ "Kathleen Lonsdale". www.quakersintheworld.org. Consultado o 2021-12-19.
↑ Hodgkin, Dorothy Mary Crowfoot (1975-11-01). "Kathleen Lonsdale, 28 January 1903 - 1 April 1971". Biographical Memoirs of Fellows of the Royal Society 21: 447–484. doi:10.1098/rsbm.1975.0014.

Véxase tamén

Ligazóns externas

Kathleen Lonsdale, la cristalógrafa que tuvo que empezar sus estudios en un colegio para niños no blog Mujeres con ciencia

[1] Lonsdale, Kathleen :; Whiddington, Richard (1929-04-06). "The structure of the benzene ring in C6 (CH3)6". Proceedings of the Royal Society of London. Series A, Containing Papers of a Mathematical and Physical Character 123 (792): 494–515. doi:10.1098/rspa.1929.0081.

[2] "Kathleen Lonsdale | Encyclopedia.com". www.encyclopedia.com. Consultado o 2021-12-19.

[3] Authier, André (2013-08-02). Early Days of X-ray Crystallography (en inglés). OUP Oxford. ISBN 978-0-19-163501-4.

[4] "Kathleen Lonsdale". www.quakersintheworld.org. Consultado o 2021-12-19.

[5] Hodgkin, Dorothy Mary Crowfoot (1975-11-01). "Kathleen Lonsdale, 28 January 1903 - 1 April 1971". Biographical Memoirs of Fellows of the Royal Society 21: 447–484. doi:10.1098/rsbm.1975.0014.

[1]

[2]

[3]

[4]

[5]