Juan Miguel Diz Guedes
| Juan Miguel Diz Guedes | |
|---|---|
| Nacemento | 24 de outubro de 1953 (63 anos) |
| Lugar | Tui, Pontevedra,  Galiza |
| Nacionalidade |  Español |
| Ocupación | Político |
Juan Miguel Diz Guedes, nado en Tui o 24 de outubro de 1953, é un político galego.
Traxectoria[editar | editar a fonte]
Licenciado en dereito, foi alcalde de Tui (1987-1990), deputado no Parlamento de Galicia (1990-1996), conselleiro de Xustiza e Interior (1993-1996). En maio de 1996, foi designado Delegado do Goberno en Galicia, cargo que exerce ata que é nomeado, en xuño do 2000, conselleiro sen carteira para Relacións Institucionais. Desencadeada a denominada crise das vacas tolas, asume a titularidade da Consellería de Política Agroalimentaria e Desenvolvemento Rural (2001-2004) tras o cesamento de Cástor Gago. Regulou as agrupacións de defensa sanitaria gandeira en Galicia (Decreto 91/2001 de 19 de abril), redactou o proxecto de lei polo que se regula a promoción e defensa da calidade agroalimentaria, reformou a Lei de Concentración Parcelaria mediante a Lei 1/2001, do 10 de setembro, aumentou a superficie cualificada para proxectos de agricultura ecolóxica, elaborou a Estratexia galega de desenvolvemento rural cubrindo a totalidade do territorio con programas xestionados por grupos de acción local coa Axencia Galega de Desenvolvemento Rural, creada durante o seu mandato, e formulou o Programa de Investigación e Desenvolvemento Agrario[1]
A raíz do afundimento do Prestige, Diz Guedes é dos Conselleiros que se posicionan con Xosé Cuíña a favor dunha acción autónoma fronte ao Goberno central e a dirección nacional do Partido. Isto marca o inicio do seu declive político. Un ano despois, renuncia á súa carteira de Conselleiro e, en setembro de 2006, anuncia a súa baixa do Partido Popular tras 16 anos de militancia.[2]
| Predecesor: Ángel Álvarez Durán |
 Alcalde de Tui 1987-1990 |
Sucesor: José Luís Gómez Núñez |
| Predecesor: Juan Luis Pía Martínez |
 conselleiro de Xustiza e Interior 1993-1996 |
Sucesor: Xesús Palmou |
| Predecesor: Víctor Manuel Vázquez Portomeñe |
conselleiro de Relacións Institucionais 1997-2000 |
Sucesor: ' |
| Predecesor: Cástor Gago |
conselleiro de Agricultura 2001-2004 |
Sucesor: José Antonio Santiso Miramontes |
| Predecesor: Domingo García-Sabell |
 delegado do goberno en Galicia 1996-2000 |
Sucesor: Arsenio Fernández de Mesa |
Notas[editar | editar a fonte]
- ↑ Galicia 2003, Xunta de Galicia pp. 357 a 370. ISBN 84-453-3459-X
- ↑ http://www.elcorreogallego.es/index.php?idMenu=36@idNoticia=88701
