Josiah Willard Gibbs

Josiah Willard Gibbs
Nome completo	Josiah Willard Gibbs
Nacemento	11 de febreiro de 1839
Lugar de nacemento	New Haven
Falecemento	28 de abril de 1903
Lugar de falecemento	New Haven
Soterrado	Grove Street Cemetery
Nacionalidade	Estados Unidos de América
Alma máter	Yale College, Universidade de Heidelberg, Yale School of Engineering & Applied Science, Universidade Yale, Hopkins School e Sheffield Scientific School
Ocupación	matemático, físico, químico, profesor universitario, físico teórico, enxeñeiro e thermodynamicist
Pai	Josiah Willard Gibbs Sr.
Coñecido por	Enerxía libre de Gibbs
Premios	Medalla Copley, Prêmio Rumford e Foreign Member of the Royal Society
Na rede
[ editar datos en Wikidata ]

Josiah Willard Gibbs, nado en New Haven o 11 de febreiro de 1839 e finado na mesma cidade o 28 de abril de 1903, foi un científico estadounidense que fixo importantes contribucións teóricas na física, a química e as matemáticas. A súa aplicación da termodinámica foi decisiva na transformación da físicoquímica nunha ciencia indutiva rigorosa. Xunto con James Clerk Maxwell e Ludwig Boltzmann, creou a mecánica estatística (expresión que el cuñou), explicando as leis da termodinámica como consecuencia das propiedades estatísticas dos conxuntos de estados posibles dun sistema físico composto por moitas partículas. Gibbs tamén traballou na aplicación das ecuacións de Maxwell aos problemas da óptica física. Como matemático, inventou o moderno cálculo vectorial, de forma independente do científico británico Oliver Heaviside.

En 1863, a Universidade Yale outorgoulle a Gibbs o primeiro título de doutoramento estadounidense en enxeñaría. Tras unha estadía de tres anos en Europa, Gibbs pasou o resto da súa carreira en Yale, onde foi profesor de física matemática dende 1871 ata a súa morte. Traballando en relativo illamento, converteuse no primeiro científico teórico dos Estados Unidos que gañou reputación internacional e foi eloxiado por Albert Einstein como "a mente máis grande na historia dos Estados Unidos". En 1901, Gibbs recibiu o que nese tempo se consideraba o maior honor da comunidade científica internacional, a medalla Copley da Royal Society de Londres, "polas súas contribucións á física matemática".

Comentaristas e biógrafos remarcaron o contraste entre a vida tranquila e solitaria de Gibbs e o grande impacto internacional das súas ideas. Aínda que o seu traballo foi completamente teórico, o valor práctico das contribucións de Gibbs foron evidentes co desenvolvemento da química industrial durante a primeira metade do século XX. Segundo Robert A. Millikan, na ciencia pura, Gibbs "fixo pola mecánica estatística e a termodinámica o que Laplace fixo pola mecánica celeste e Maxwell pola electrodinámica, concretamente, converteu o seu campo nunha estrutura teórica case finalizada".

Véxase tamén

Bibliografía

• L. P. Wheeler, E. O. Waters and S. W. Dudley (eds.),The Early Work of Willard Gibbs in Applied Mechanics, (Nova York: Henry Schuman, 1947). ISBN 1-881987-17-5. Contén traballos inéditos de Gibbs, do período entre 1863 e 1871.
• J. W. Gibbs, "On the Equilibrium of Heterogeneous Substances", Transactions of the Connecticut Academy of Arts and Sciences, 3, 108–248, 343–524, (1874–1878). Reproducido en The Scientific Papers (1906), pp. 55–353 e The Collected Works of J. Willard Gibbs (1928), pp. 55–353.
• E. B. Wilson, Vector Analysis, a text-book for the use of students of Mathematics and Physics, founded upon the Lectures of J. Willard Gibbs, (New Haven: Yale University Press, 1929 [1901]).
• J. W. Gibbs, Elementary Principles in Statistical Mechanics, developed with especial reference to the rational foundation of thermodynamics, (Nova York: Dover Publications, 1960 [1902]).

Ligazóns externas

• "Josiah Willard Gibbs Arquivado 01 de maio de 2015 en Wayback Machine.", in Selected Papers of Great American Scientists, American Institute of Physics, (2003 [1976])
• "Gibbs" by Muriel Rukeyser
• Reflections on Gibbs: From Statistical Physics to the Amistad by Leo Kadanoff, Prof.