José María Rodríguez Díaz

Na Galipedia, a Wikipedia en galego.
Saltar ata a navegación Saltar á procura
José María Rodríguez Díaz
José María Rodríguez Díaz.png
José María Rodríguez, no 2013
Nacemento20 de abril de 1935
 Ribadeo
Falecemento9 de maio de 2017
NacionalidadeEspaña
Ocupaciónescritor
editar datos en Wikidata ]

José María Rodríguez Díaz, nado o 20 de abril de 1935 na Granda (Ribadeo) e morto en Burela o 9 de maio de 2017,[1] foi un escritor, activista e humanista ribadense.

Traxectoria[editar | editar a fonte]

Ingresou de novo no Seminario de Mondoñedo, consagrándose posteriormente como sacerdote en Mondoñedo. Seguiu estudos de canto Gregoriano, diplomándose en música sacra en 1957 no Instituto Gregoriano de París,[2][3] e na súa formación pasou pola Sorbona.

No 1960 foi, por oposición, salmista da Catedral Basílica de Mondoñedo e profesor de Latín e Canto no Seminario de Mondoñedo, cargos que compartiu con outras misións pastorais.

En 1979 cesou a actividade eclesial. Posteriormente casado con Mª Asunción Sampedro, foi funcionario do Instituto Social da Mariña, exercendo como director local en Tapia e Ribadeo, onde pasou os últimos anos da súa vida.

Actividades[editar | editar a fonte]

No comezo das obras da nova residencia de Ribadeo, co Alcalde de Ribadeo e o vicepresidente da Deputación Provincial de Lugo

Entre outras actividades, formou parte das AVV de Vilaselán, que contribuiu a crear, primeiro, e logo de O Tesón, impulsando ambas dende postos directivos e involucrándose en temas como o paso da autovía A-8 pola parroquia de Vilaselán, a construción dunha macronave no Porto ribadense de Mirasol, a constitución da Mesa de Asociacións do concello de Ribadeo[4] ou a construción dunha nova residencia de maiores en Ribadeo, que non chegou a ver operativa. Este último tema marcou un fito no concello, despois de promover a constitución dunha plataforma veciñal a partir das asociacións de veciños e de aglutinar tódalas forzas políticas no concello para traballar xuntas[5] (aínda que tras os primeiros pasos, un partido, o PP, desmarcouse da iniciativa).

No eido cultural ten colaborado en diferentes proxectos, o que lle ten valido para converterse nun referente nalgúns campos, recoñecemento que o levou a ser chamado para diversas representacións, como o pregón da Xira de Sta. Cruz 2006.

Publicacións[editar | editar a fonte]

 Portada de 'Sobre os castros de Ribadeo'.
Portada de 'Sobre os castros de Ribadeo'. O diagrama indica só os castros de Ribadeo estudados no libro.

Artigos[editar | editar a fonte]

Como estudoso de diversos temas, en particular relacionados coa historia, a máis de activista, publicou ó longo da súa vida moitos artigos en castelán e en galego en diversos medios de difusión diaria ou semanal (El Progreso, La Voz de Galicia, Crónica3, La Comarca del Eo...), e outros diversos estudos publicados en lugares varios, como o Anuario de estudios histórico-teológicos de la diócesis de Mondoñedo-Ferrol.

Libros[editar | editar a fonte]

  • Estudio sobre la toponimia de Ribadeo (2007).
  • Sobre os castros de Ribadeo (2009) ISBN 13: 978-84-612-9644-6.[6]
  • Vilaselán: Aproximación histórica (2010) ISBN 13: 978-84-614-3063-5[7]
  • La Colegiata de Ribadeo (2011).

E, en colaboración,

  • Ribadeo no tempo, a través das imaxes: outro Ribadeo foi posible (2006). ISBN 13: 978-84-611-0861-9

Outros[editar | editar a fonte]

En formato dixital, mantivo durante unha década (2006-2016) o blog 'O Cargadoiro'.

No 2018, con motivo de o aniversario da súa morte, prepárase un volume coas súas dúas útimas obras de gran formato, "don Secundino Martínez Montenegro (O 'Cura Vello' de Ribadeo)" e "Semblanza de un guerrillero, Luis María Trigo Chao (El guardarríos)" xunto con semblanzas de José María asinadas por persoas que o acompañaron nas súas actividades ó longo da vida, e un relatorio de artigos.[8]

Notas[editar | editar a fonte]

  1. "Esquela de D. José Mª Rodríguez Díaz". Funeraria Peña. Consultado o 10/05/2017. [Ligazón morta]
  2. "Pregón da Xira de Santa Cruz 2006". Amigos da gaita. Consultado o 15/03/2018. 
  3. "Diócesis de Mondoñedo-Ferrol". Consultado o 12/05/2017. 
  4. Gregorio Montes, Antonio. "José María Rodríguez Díaz". Galicia Dixital. Consultado o 10/05/2017. 
  5. "Bandeiras a media asta". concello de Ribadeo. Consultado o 10/05/2017. 
  6. Rodríguez Díaz, Rodríguez, José María, ([2009]). Sobre os castros de Ribadeo. [Lugo]: O Tesón. ISBN 9788461296446. OCLC 733842086. 
  7. "Base de datos de libros editados en España". Ministerio de ciencia y universidades. Consultado o 15/03/2018. 
  8. Charlas en diversas ocasións con participantes no volume.

Véxase tamén[editar | editar a fonte]

Ligazóns externas[editar | editar a fonte]