José García Buitrón
| Biografía | |
|---|---|
| Nacemento | 14 de xuño de 1945  Toreno, España |
| Morte | 17 de setembro de 2022 (77 anos) Madrid, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | médico , político |
| Empregador | Complexo Hospitalario Universitario A Coruña |
| Partido político | Unidade Galega Podemos Galicia Partido Socialista Obrero Español Esquerda Galega En Marea |
| Lingua | Lingua castelá |
 | |
José Manuel García Buitrón, nado en Toreno (Provincia de León) o 14 de xuño de 1945 e finado en Madrid o 17 de setembro de 2022, foi un médico e político galego.
Traxectoria[editar | editar a fonte]
Fillo dun médico que morreu novo e dunha mestra. Con once anos marchou estudar ao colexio dos Maristas de Palencia. Licenciado en Medicina pola Universidade de Santiago de Compostela (1969), despois fixo nefroloxía en Barcelona e uroloxía en Madrid. Comezou a súa carreira no Complexo Hospitalario Universitario A Coruña en 1975. Foi un dos creadores do Sindicato Galego de Sanidade. Foi responsable da Oficina de coordinación de Transplantes, realizado o primeiro en Galicia o 21 de xaneiro de 1981; posteriormente realizou transplantes noutros países como Trinidad e Tobago e Cuba. Foi director-xerente do Hospital Universitario da Coruña.
Foi candidato por Unidade Galega nas eleccións municipais do 3 de abril de 1979. Militou en Esquerda Galega ata 1986 e despois pasou ao PSdeG-PSOE formalizando o seu ingreso en 2007. Responsable da área de Sanidade de Podemos Galicia. Nas eleccións xerais de 2015 presentouse ao Senado por En Marea pola provincia da Coruña e foi elixido senador. Finou en Madrid o 17 de setembro de 2022.[1]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.
