José Luis Gómez Gómez
| Biografía | |
|---|---|
| Nacemento | 1958  (65/66 anos)Brión, España |
| Datos persoais | |
| País de nacionalidade | España |
| Educación | Universidade de Vigo |
| Actividade | |
| Ocupación | xornalista |
| Empregador | La Voz de Galicia Xornal de Galicia Mundiario (en)  Universidade da Coruña |
| Lingua | Lingua castelá |
| Páxina web | mundiario.com… |
 | |
José Luis Gómez Gómez, nado en Brión en 1958, é un xornalista galego.
Traxectoria[editar | editar a fonte]
Comezou a traballar en La Voz de Galicia en 1982 como redactor, onde foi ascendendo progresivamente ata converterse no director do xornal de máis tiraxe de Galicia. Durante estes anos especialízase en información económica, onde destaca a súa proximidade a Caixa Galicia: para a súa fundación publica diversos libros e artigos, ao tempo que escribe unha biografía autorizada do seu director xeral José Luis Méndez López.
En 1999 pasa a ser director da división editorial de prensa diaria do Grupo Zeta, e despois accede ao cargo de coordinador de publicacións e comunicación do grupo, de onde é relevado en 2003. No ano da súa saída do Grupo Voz participa na creación de Xornal.com, un pequeno medio electrónico en Galicia, que pasa a dirixir dende o momento en que deixa o Grupo Zeta.
Dende 2005 ata 2008 é tamén director da revista Capital. O xornal electrónico Xornal.com dá orixe a finais de 2008 a Xornal de Galicia, un xornal en papel onde Gómez participa como accionista e como director ata marzo de 2011[1], cando é destituído dous días despois da publicación dunha fotografía de Mariano Rajoy, daquela líder do PP, a bordo dun barco vencellado ao narcotráfico[2].
Durante a súa carreira foi colaborador de diversos medios de prensa (El Correo Gallego, Deia, Diario de León, Diario 16, El País), televisión (Telecinco), ou radio.
Obra[editar | editar a fonte]
- Manual Básico de Economía en Galego (coordinador).[cando?]
- Galicia ante la CEE (1983).
- Economía de las Comunidades Autónomas. Galicia (coautor, 1985).
- Galicia, Raíz y Horizonte (coautor, 1987).
- Las 500 primeras empresas de Galicia (coautor, 1992).
- Estrategias para Galicia (coautor, 1994).
- José Luis Méndez. La fuerza del líder (1994).
- A vueltas con España (2005).
- Estrategias para España (coautor, 2007).
- Como salir de esta (2013, Actualia Editorial).
Notas[editar | editar a fonte]
- ↑ José Luis Gómez dá por finalizada a súa etapa como director de Xornal de Galicia Arquivado 05 de abril de 2011 en Wayback Machine., Xornal de Galicia, 1/4/2011.
- ↑ Jacinto Rey cede ante Rajoy, Galicia Confidencial, 1/4/2011.
