José Alberto Mato Pet
| Mato Pet | |||
|---|---|---|---|
| Información persoal | |||
| Nome | José Alberto Mato Pet | ||
| Nacemento | 23 de novembro de 1943 | ||
| Lugar de nacemento | Ponteceso | ||
| Falecemento | 2 de xullo de 2009 | ||
| Posición | Porteiro | ||
| Carreira xuvenil | |||
| Galera | |||
| –1962 | Orzán | ||
| Carreira sénior | |||
| Anos | Equipos | Aprs | (Gls) |
| 1962–1966 | Fabril | ||
| 1966–1969 | Deportivo da Coruña | 1 | (0) |
| 1968–1969 | → Racing de Ferrol | 1 | (0) |
| 1969 | Compostela | ||
| 1971–1972 | Ponteceso | ||
|
Partidos e goles só en liga doméstica. [ editar datos en Wikidata ] | |||
José Alberto Mato Pet, nado en Ponteceso o 23 de novembro de 1943 e finado en Carballo o 2 de xullo de 2009, foi un futbolista galego. Xogaba de porteiro.
Traxectoria[editar | editar a fonte]
Comezou a xogar ao fútbol no Galera, e máis tarde pasou ao equipo xuvenil do Orzán, no que xogaba de extremo. Un día, ante a ausencia do gardameta titular, colocouse el de porteiro, e dende entón ocupou esa posición.[1]
En 1962 fichou polo Fabril, onde militou durante as seguintes tempadas, case sempre como suplente de Giráldez. O 16 de abril de 1967 debutou co Deportivo da Coruña na Primeira División, nun partido contra o FC Barcelona en Riazor, no que acabou lesionado e substituído no descanso. Formou parte do primeiro equipo tamén durante a tempada 1967/68, pero non chegou a disputar ningún partido oficial.
En setembro de 1968 saíu cedido ao Racing de Ferrol,[2] da Segunda División. No equipo verde tampouco contou con protagonismo, sendo o porteiro titular Zumalabe. Xogou só un encontro oficial, unha derrota por 3-2 ante o Betis en Sevilla. En febreiro de 1969 foi operado do estómago e non volveu xogar durante meses.[3]
No verán de 1969 rematou o seu contrato co Deportivo e asinou co Compostela, da Terceira División, co que xogou ata novembro. Máis tarde xogou no Ponteceso e nos veteranos do Bergantiños. Tras abandonar o fútbol rexentou unha zapataría en Carballo.[4]
Notas[editar | editar a fonte]
- ↑ "Mato Pet, el eterno suplente del Fabril, confía en sacar adelante la eliminatoria de Torrelavega". La Voz de Galicia (en castelán). 11 de xuño de 1964. p. 5.
- ↑ "Matopet, cedido al Racing". La Voz de Galicia (en castelán). 6 de setembro de 1968. p. 19.
- ↑ "El Racing necesita otro guardameta". La Voz de Galicia (en castelán). 19 de febreiro de 1969. p. 16.
- ↑ "El ex portero del deportivo josé alberto mato pet falleció como consecuencia de...". 3 de xullo de 2009. Arquivado dende o orixinal o 18 de xullo de 2012. Consultado o 12 de xaneiro de 2011.
| Control de autoridades |
|
|---|
