John Frankenheimer

John Frankenheimer
Nacemento	19 de febreiro de 1930
Lugar de nacemento	Queens
Falecemento	6 de xullo de 2002
Lugar de falecemento	Os Ánxeles
Causa	infarto agudo de miocardio e Ictus
Nacionalidade	Estados Unidos de América
Alma máter	Williams College
Ocupación	director de cinema, produtor de cinema, guionista, produtor de televisión e realizador
Cónxuxe	Evans Evans
Premios	Primetime Emmy Award for Outstanding Directing for a Limited Series, Movie, or Dramatic Special, Primetime Emmy Award for Outstanding Directing for a Limited Series, Movie, or Dramatic Special, Primetime Emmy Award for Outstanding Directing for a Limited Series, Movie, or Dramatic Special e Primetime Emmy Award for Outstanding Directing for a Limited Series, Movie, or Dramatic Special
Na rede
[ editar datos en Wikidata ]

John Frankenheimer

John Michael Frankenheimer, nado en Nova York o 19 de febreiro de 1930 e finado nos Ánxeles o 6 de xullo de 2002, foi un director de cine e televisión estadounidense, recoñecido polos seus dramas sociais e filmes de acción e suspense.

Traxectoria

Comezou a súa carreira no cume da guerra fría e as súas 30 longametraxes para cine e 50 obras para televisión foron notables pola súa influencia no pensamento contemporáneo e convertérono nun pioneiro do suspense político contemporáneo. En moitos dos seus filmes creou dilemas psicolóxicos que tiña que resolver o seu protagonista masculino así como un forte "sentido do contorno" semellante en estilo aos filmes de Sidney Lumet, para quen traballou como axudante de director. Dirixiu actores como Gregory Peck, Donald Sutherland, Jean Reno, Lee Marvin, Deborah Kerr, Eva Marie Saint ou Steve McQueen e entre as súas películas máis coñecidas están O home de Alcatraz (1962), The Manchurian Candidate (1962), Seven Days in May (1964), The Train, (1964), Grand Prix (1966), Black Sunday (1977) e Ronin (1998). Gañou catro Emmy consecutivos na década de 1990 polos telefilmes Against the Wall, The Burning Season, Andersonville e George Wallace, o cal tamén levou un Globo de Ouro. Foi considerado un dos últimos directores que levaban un control completo sobre todos os elementos da produción, o que facía o seu estilo único en Hollywood.